ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានអះអាងថា កងទ័ពរុស្ស៊ីប្រមាណ៥៤,៤០០នាក់ បានស្លាប់ ឬរងរបួសធ្ងន់ក្នុងខែតុលា ឆ្នាំ២០២៦។
លោកថា នេះជាចំនួនខ្ពស់បំផុតប្រចាំខែ ចាប់តាំងពីសង្គ្រាមរវាងប្រទេសទាំងពីរបានចាប់ផ្តើម។
សារព័ត៌មានAnadolu Agency នៅថ្ងៃទី២ខែវិច្ឆិកា។
លោកក៏បានបញ្ជាក់ថា ក្នុងរយៈពេលមួយខែកន្លងមក កងកម្លាំងអ៊ុយក្រែនបានដណ្តើមយកទឹកដីមកវិញចំនួន ៩៦.២ គីឡូម៉ែត្រក្រឡា ដែលច្រើនជាងទឹកដីដែលកងទ័ពរុស្ស៊ីដណ្តើមបានក្នុងរយៈពេលដូចគ្នា ចំនួន ១០.៤ គីឡូម៉ែត្រក្រឡា។
លោកបន្ថែមថា នៅថ្ងៃទី២១ ខែតុលា រុស្ស៊ីបានបាត់បង់កងទ័ពចំនួន ២,២៥០ នាក់ ក្នុងរយៈពេលមួយថ្ងៃ ដែលជាកំណត់ត្រាខ្ពស់បំផុត។
លោកហ្សេឡេនស្គីបានអំពាវនាវឱ្យរុស្ស៊ីជ្រើសរើសបទឈប់បាញ់ និងការចរចាការទូត ដើម្បីបញ្ឈប់ការបាត់បង់ជីវិតរបស់កងទ័ព។
យ៉ាងណាក៏ដោយ រុស្ស៊ីមិនទាន់បានធ្វើអត្ថាធិប្បាយលើការអះអាងនេះទេ ហើយតួលេខទាំងនេះក៏មិនទាន់អាចផ្ទៀងផ្ទាត់ដោយឯករាជ្យបានដែរ ដោយសារសង្គ្រាមនៅតែបន្ត៕
