ការតវ៉ាទ្រង់ទ្រាយធំ បានកើតឡើងនៅទូទាំងប្រទេសអាល្លឺម៉ង់ កាលពីថ្ងៃ៣០.១០.២០២៦(ម៉ោងនៅក្នុងតំបន់) ដោយក្នុងនោះមានករណីខ្លះ បានប្រែក្លាយទៅជាអំពើហិង្សា ដែលប៉ូលិសបានប្រើប្រាស់រថយន្តបាញ់ទឹក ទៅលើក្រុមអ្នកតវ៉ាដែលបានគប់ដបសាំង (Molotov cocktails)ដាក់ពួកគេ។
សារព័ត៌មានAl Jazeera ។
មន្ត្រីប៉ូលិសមួយចំនួន បានរងរបួសកាលពីថ្ងៃសៅរ៍ បន្ទាប់ពីមនុស្សរាប់ម៉ឺននាក់បានចូលរួមក្នុងការតវ៉ា ដែលដឹកនាំដោយយុវជននៅទូទាំងប្រទេស ដែលរៀបចំឡើងដោយក្រុមមួយឈ្មោះថា “Gen Z regelt”(មានន័យថា«ជំនាន់ Z អាចដោះស្រាយបញ្ហានេះបាន»)។
ការតវ៉ាទាំងនេះ ដែលទទួលបានការបំផុសគំនិតពីចលនាស្រដៀងគ្នា នៅក្នុងប្រទេសបារាំង និងអ៊ីតាលី ភាគច្រើនប្រព្រឹត្តទៅ ដោយសន្តិវិធីនៅអំឡុងពេលថ្ងៃ។
ប៉ុន្តែភាពតានតឹង បានកើនឡើងនៅពេលល្ងាច នៅពេលដែលក្រុមយុវជនមួយចំនួនបដិសេធមិនព្រមបំបែកខ្លួន។
អំពើហិង្សាត្រូវបានរាយការណ៍ថា បានកើតឡើងនៅក្នុងទីក្រុងធំៗមួយចំនួន រួមមានទីក្រុង Frankfurt, Berlin, Cologne និង Hamburg។
ក្រុម“Gen Z regelt”បានឱ្យដឹងថា មានមនុស្សប្រហែល១២០,០០០នាក់បានចូលរួមក្នុងការតវ៉ា។
ដែលចំនួននេះគឺទាបជាងចំនួនប្រហែល១៨០,០០០ នាក់ដែលពួកគេបានរំពឹងទុក៕
