(ពោធិ៍សាត់)៖ ថ្ងៃទី០៥ ខែវិច្ឆិកា ឆ្នាំ២០២៦ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានអញ្ជើញជាអធិបតី ពិធីសំណេះសំណាល ចែកពូជស្រូវ និងស្បៀងជូនប្រជាពលរដ្ឋ ដែលរងផលប៉ះពាល់ដោយសារជំនន់ទឹកភ្លៀង ក្នុងខេត្តពោធិ៍សាត់។
ជំនន់ទឹកភ្លៀងក្នុងខេត្តពោធិ៍សាត់ បានប៉ះពាល់ ក្រុង ស្រុកចំនួន០៦ ឃុំ/សង្កាត់ចំនួន២៦ ស្មើនឹង ១៦១ភូមិ ប៉ះពាល់ដល់ប្រជាពលរដ្ឋចំនួន ៣,៨៤២គ្រួសារ និងផ្ទះចំនួន ២,៥០៤ខ្នង ហូរកាត់ផ្លូវចំនួន ៥៣ ៧៧០ម៉ែត្រ និងប៉ះពាល់លូចំនួន ១២កន្លែង ដំណាំស្រូវប្រជាពលរដ្ឋចំនួន ៥ ៦៦៤ហិកតា លើផ្ទៃដី សរុប ១៥៦,៩៣១ ហិកតា លិចសាលារៀនចំនួន ០៥កន្លែង ប៉ះពាល់ស្ពានចំនួន ០៣កន្លែង ដំណាំឧស្សាហកម្មចំនួន ៣៦៣ហិកតា ជម្លៀសសត្វគោ/ក្របីចំនួន ៣០ក្បាល ប៉ះពាល់អណ្ដូងទឹកចំនួន ២៥អណ្ដូង និងទ្វារទឹកចំនួន ០២កន្លែង៕
