សហរដ្ឋអាមេរិកបានដាក់ទណ្ឌកម្មថ្មីលើក្រុមហ៊ុន និងបុគ្គលមួយចំនួននៅប្រទេសឥណ្ឌា និងតួកគី កាលពីថ្ងៃពុធ ទី៤ ខែវិច្ឆិកា ឆ្នាំ២០២៦ ដោយចោទថា ពួកគេបានជួយគាំទ្រដល់ប្រទេសអ៊ីរ៉ង់ក្នុងការដឹកជញ្ជូន និងលក់ប្រេង។
សារព័ត៌មានReuter។
យោងតាមសារព័ត៌មាន Reuters ក្រសួងរតនាគារអាមេរិកបានឱ្យដឹងថា ទណ្ឌកម្មនេះជាផ្នែកមួយនៃប្រតិបត្តិការ «Economic Outcast» របស់រដ្ឋបាលលោក ដូណាល់ ត្រាំ ដែលមានគោលបំណងកាត់ផ្តាច់ប្រាក់ចំណូលពីការលក់ប្រេងរបស់អ៊ីរ៉ង់ ដើម្បីរារាំងប្រទេសនេះមិនឱ្យយកប្រាក់ទៅគាំទ្រសង្គ្រាមជាមួយអាមេរិក។
ទណ្ឌកម្មនេះបានផ្តោតលើលោក Suniel Kumar Sharma ភរិយារបស់លោក និងពលរដ្ឋឥណ្ឌាពីរនាក់ទៀត ព្រមទាំងក្រុមហ៊ុនចំនួន៩ ដែលពាក់ព័ន្ធនឹងបណ្តាញអាជីវកម្មរបស់លោក។ អាមេរិកចោទថា បណ្តាញនេះបានប្រើឯកសារ និងវិញ្ញាបនបត្រក្លែងក្លាយ ដើម្បីជួយនាវាដែលស្ថិតក្រោមទណ្ឌកម្ម ដឹកជញ្ជូនប្រេងអ៊ីរ៉ង់ រួមទាំងនាវាដែលធ្វើប្រតិបត្តិការឱ្យយោធាអ៊ីរ៉ង់ផងដែរ។
ក្រៅពីនេះ ក្រសួងរតនាគារអាមេរិកក៏បានដាក់ទណ្ឌកម្មលើក្រុមហ៊ុន Fugo Ground Services Inc នៅប្រទេសតួកគី ដោយចោទថា បានបន្តផ្តល់ការគាំទ្រដល់វិស័យអាកាសចរណ៍របស់អ៊ីរ៉ង់។
វិធានការនេះបង្ហាញថា អាមេរិកកំពុងបង្កើនសម្ពាធសេដ្ឋកិច្ចលើអ៊ីរ៉ង់ និងព្រមានថា នឹងបន្តដាក់ទណ្ឌកម្មលើបុគ្គល ឬក្រុមហ៊ុនណាដែលជួយគាំទ្ររដ្ឋាភិបាលអ៊ីរ៉ង់៕
