ប៉ូលិសអន្តោប្រវេសន៍របស់ថៃ បានជួយសង្គ្រោះនិស្សិតជនជាតិចិនម្នាក់ អាយុ១៩ឆ្នាំ ចេញពីសណ្ឋាគារក្នុងទីក្រុង Pattaya ខេត្ត Chonburi។
បន្ទាប់ពីមានសំណើពីអាជ្ញាធរចិន ករណីចាប់ជំរិត និងទារប្រាក់ចំនួន២លានយន់ ឬជិត ៣០០,០០០ដុល្លារ។
សារព័ត៌មានថៃ Bangkok Post នៅថ្ងៃទី១៦ ខែវិច្ឆិកា ឆ្នាំ២០២៦។
និស្សិតរូបនោះ ដែលកំពុងសិក្សានៅរដ្ឋ New South Wales ប្រទេសអូស្ត្រាលី សង្ស័យត្រូវក្រុមឧក្រិដ្ឋជនឆបោកតាមប្រព័ន្ធអ៊ិនធឺណេត លួងលោមឱ្យមកកាន់ប្រទេសថៃ កាលពីថ្ងៃទី១៣ ខែវិច្ឆិកា។
ឪពុកម្តាយរបស់និស្សិតរូបនោះ នៅក្នុងប្រទេសចិន បានទទួលវីដេអូមួយរយៈពេល៦វិនាទី ព្រមទាំងសារតាមគណនី WeChat របស់កូនប្រុសពួកគេ ។
ដោយទាមទារប្រាក់លោះចំនួន ២លានយន់ គំរាមកាត់ដៃរបស់និស្សិត រូបនោះ ប្រសិនបើមិនបានបង់ប្រាក់តាមពេលកំណត់។
បន្ទាប់ពីទទួលសេចក្តីរាយការណ៍ ប៉ូលិសចិន បានតាមដានកំណត់ត្រាធ្វើដំណើររបស់និស្សិតរូបនោះ ហើយរកឃើញថាគាត់បានចូលទៅក្នុងប្រទេសថៃ និងបានទាក់ទងទៅអាជ្ញាធរថៃ ដើម្បីស្នើសុំជំនួយជាបន្ទាន់។
ការិយាល័យអន្តោប្រវេសន៍ថៃ បានបញ្ជាឱ្យក្រុមការងារចល័តចុះទៅស៊ើបអង្កេតករណីនេះ នៅទីក្រុងប៉ាតាយ៉ា តាមដានទីតាំងរកឃើញទីតាំងក្នុងសណ្ឋាគារមួយ និងបានជួយសង្រ្គោះនិស្សិតរូបនោះ ចេញមកដោយសុវត្ថិភាព។
កាលពីខែមិថុនា ឆ្នាំ២០២៦ មានហេតុការណ៍ស្រដៀងគ្នាកើតឡើងផងដែរក្នុងប្រទេសថៃ ដោយនិស្សិតជនជាតិចិនម្នាក់ត្រូវបានជួយសង្រ្គោះ នៅក្នុងខេត្ត Samut Prakan ក្រោយធ្លាក់ខ្លួនជាជនរងគ្រោះដោយល្បិចកលចាប់ជំរិតក្លែងក្លាយ ទារប្រាក់លោះប្រហែល ១២,៥លានបាតឯណោះ៕

