សមាជិកសភាបក្សសាធារណរដ្ឋអាមេរិក ជំរុញឱ្យបង្កើតយុទ្ធសាស្ត្រAI ដើម្បីប្រកួតប្រជែងជាមួយចិន!

សមាជិកសភាជាន់ខ្ពស់ពីររូបនៃគណបក្សសាធារណរដ្ឋអាមេរិក កាលពីថ្ងៃសុក្រ ទី២០ ខែវិច្ឆិកា ឆ្នាំ២០២៦ បានជំរុញឱ្យប្រធានាធិបតី ដូណាល់ ត្រាំ លើកកម្ពស់ការអភិវឌ្ឍបច្ចេកវិទ្យាបញ្ញាសិប្បនិម្មិត (AI) ដែលមានតម្លៃទាប ដើម្បីជួយឱ្យក្រុមហ៊ុនអាមេរិកអាចប្រកួតប្រជែងជាមួយផលិតផល AI របស់ចិន។
សារព័ត៌មានReuter។

សំណើនេះត្រូវបានលើកឡើងបន្ទាប់ពីលោក ត្រាំ បានបញ្ចប់ជំនួបជាមួយប្រធានាធិបតីចិន លោក ស៊ី ជីនពីង នៅទីក្រុងសិនជិន ប្រទេសចិន។

សមាជិកសភាទាំងពីររូប គឺលោក Andrew Garbarino ប្រធានគណៈកម្មាធិការសន្តិសុខមាតុភូមិនៃសភាតំណាងរាស្ត្រ និងលោក John Moolenaar ប្រធានគណៈកម្មាធិការពិសេសទទួលបន្ទុកកិច្ចការចិន បានព្រមានថា ប្រទេសចិនកំពុងប្រើប្រាស់បច្ចេកវិទ្យា AI ដើម្បីធ្វើឱ្យក្រុមហ៊ុនបរទេសពឹងផ្អែកលើបច្ចេកវិទ្យារបស់ខ្លួន។

ពួកគេបានចាត់ទុកសកម្មភាពនេះថា ជាការគំរាមកំហែងដល់ផលប្រយោជន៍សេដ្ឋកិច្ច និងសន្តិសុខជាតិរបស់សហរដ្ឋអាមេរិក។

ហេតុនេះ ពួកគេចង់ឱ្យរដ្ឋាភិបាលអាមេរិកជំរុញការផលិតឧបករណ៍ AI ដែលមានតម្លៃសមរម្យ ដើម្បីរក្សាសមត្ថភាពប្រកួតប្រជែងរបស់ក្រុមហ៊ុនអាមេរិកជាមួយប្រទេសចិន៕

Leave a Reply

Your email address will not be published. Required fields are marked *