គេហទំព័រតាមដានការហោះហើរសាធារណៈបានបង្ហាញថា យន្តហោះចម្បាំង F/A-18 របស់កងទ័ពជើងទឹកអាមេរិកពីរគ្រឿងបានហោះចូលដែនអាកាសវេណេស៊ុយអេឡា កាលពីថ្ងៃអង្គារទី៩ខែធ្នូ ដោយបានធ្វើការហោះហើរលើឈូងសមុទ្រវេណេស៊ុយអេឡា ខណៈដែលទីក្រុងវ៉ាស៊ីនតោនបានបង្កើនសម្ពាធលើប្រធានាធិបតី នីកូឡាស ម៉ាឌូរ៉ូ។
ប្រភពពីសារព័ត៌មានAANews។
ទិន្នន័យពីគេហទំព័រដូចជា Flightradar24 បានបង្ហាញថា យន្តហោះចម្បាំងបានឆ្លងកាត់ឈូងសមុទ្រហើយបានធ្វើសមយុទ្ធជាងកន្លះម៉ោងលើឈូងសមុទ្រវេណេស៊ុយអេឡា ដោយទាក់ទាញការចាប់អារម្មណ៍ពីសាធារណជនយ៉ាងច្រើន។
មន្ត្រីការពារជាតិអាមេរិកម្នាក់បានបញ្ជាក់ពីបេសកកម្មនេះ ដោយនិយាយថា ក្រសួងការពារជាតិធ្វើប្រតិបត្តិការស្របច្បាប់ជាប្រចាំនៅក្នុងដែនអាកាសអន្តរជាតិ រួមទាំងលើឈូងសមុទ្រវេណេស៊ុយអេឡា។
មន្ត្រីរូបនេះ ដែលបាននិយាយក្នុងលក្ខខណ្ឌមិនបញ្ចេញឈ្មោះ បានប្រាប់ Anadolu ថា “យើងនឹងបន្តហោះហើរដោយសុវត្ថិភាព វិជ្ជាជីវៈ និងស្របតាមច្បាប់អន្តរជាតិ ដើម្បីការពារមាតុភូមិ តាមដានសកម្មភាពខុសច្បាប់ និងគាំទ្រស្ថិរភាពនៅទូទាំងទ្វីបអាមេរិក”។
ចលនានេះបានកើតឡើងចំពេលមានការកើនឡើងគួរឱ្យកត់សម្គាល់នៃភាពតានតឹងយោធា និងប្រតិបត្តិការរបស់សហរដ្ឋអាមេរិកដែលកំណត់គោលដៅប្រទេសវេណេស៊ុយអេឡា៕