ឧទ្ធម្ភាគចក្រជួយសង្គ្រោះមួយគ្រឿងបានធ្លាក់នៅលើភ្នំគីលីម៉ាន់ចារ៉ូ ប្រទេសតង់ហ្សានី បណ្តាលឲ្យមនុស្ស ៥ នាក់ស្លាប់ ក្នុងនោះមានជនបរទេសពីរនាក់ដែលកំពុងត្រូវបានជម្លៀសចេញដើម្បីព្យាបាល នេះបើយោងតាមអាជ្ញាធរមូលដ្ឋាន។
ប្រភពពីសារព័ត៌មានAl Jazeera នៅថ្ងៃទី២៦ខែធ្នូ។
គ្រោះថ្នាក់នេះបានកើតឡើងកាលពីល្ងាចថ្ងៃពុធ លើផ្លូវឡើងភ្នំដ៏ពេញនិយមមួយ រវាងជំរំ Barafu និងកំពូល Kibo នៅកម្ពស់ជាង ៤,០០០ ម៉ែត្រ ខណៈឧទ្ធម្ភាគចក្រកំពុងបំពេញបេសកកម្មជួយសង្គ្រោះវេជ្ជសាស្ត្រ។ អ្នកស្លាប់រួមមាន វេជ្ជបណ្ឌិតម្នាក់ មគ្គុទ្ទេសក៍ទេសចរណ៍ម្នាក់ អ្នកបើកយន្តហោះ និងជនបរទេសពីរនាក់ ដែលរបាយការណ៍ប្រព័ន្ធផ្សព្វផ្សាយក្នុងស្រុកបានបញ្ជាក់ថា ជាជនជាតិឆេក និងហ្ស៊ីមបាវ៉េ៕