លោកស្រី នីធ្យា រ៉ាម៉ាន់ (Nithya Raman) សមាជិកក្រុមប្រឹក្សាក្រុងឡូសអេនជឺឡេស ដែលទទួលបានការគាំទ្រពីអង្គការសង្គមនិយមប្រជាធិបតេយ្យអាមេរិក បានយកឈ្នះលោកស្រី ខារិន បាស (Karen Bass) ក្នុងការបោះឆ្នោតជ្រើសរើសអភិបាលក្រុងឡូសអេនជឺឡេស។
សារព័ត៌មានAnadolu Agency។
ក្រោយទទួលជ័យជម្នះ លោកស្រី រ៉ាម៉ាន់ បានប្តេជ្ញាជំរុញការសាងសង់លំនៅឋានដែលប្រជាពលរដ្ឋមានលទ្ធភាពទិញបាន បង្កើនសួនសាធារណៈ កែលម្អប្រព័ន្ធដឹកជញ្ជូន និងធ្វើឱ្យរដ្ឋបាលក្រុងមានប្រសិទ្ធភាពក្នុងការបំពេញតាមការសន្យា។
ជាមួយគ្នានេះ លោកស្រី បាស បានទូរស័ព្ទទៅអបអរសាទរលោកស្រី រ៉ាម៉ាន់ និងសន្យាថានឹងរៀបចំការផ្ទេរតំណែងដោយរលូន ដោយបញ្ជាក់ថា ប្រជាពលរដ្ឋទីក្រុងឡូសអេនជឺឡេសបានបង្ហាញការសម្រេចចិត្តរបស់ខ្លួនតាមរយៈការបោះឆ្នោត។
ជ័យជម្នះនេះបានធ្វើឱ្យលោកស្រី បាស ក្លាយជាអភិបាលក្រុងឡូសអេនជឺឡេសដំបូងក្នុងរយៈពេល២០ឆ្នាំ ដែលបរាជ័យក្នុងការបោះឆ្នោតសម្រាប់អាណត្តិទីពីរ។
គួរបញ្ជាក់ថា បន្ទាប់ពីលោក ហ្សូរ៉ាន់ ម៉ាមដានី (Zohran Mamdani) ជាប់ឆ្នោតជាអភិបាលក្រុងញូវយ៉កកាលពីមួយឆ្នាំមុន ជ័យជម្នះរបស់លោកស្រី រ៉ាម៉ាន់ បានធ្វើឱ្យទីក្រុងធំៗពីររបស់សហរដ្ឋអាមេរិក គឺញូវយ៉ក និងឡូសអេនជឺឡេស ស្ថិតក្រោមការដឹកនាំរបស់អ្នកនយោបាយដែលគាំទ្រគោលនយោបាយសង្គមនិយមប្រជាធិបតេយ្យ៕
