ប្រទេសទួរគីយេនិងលីប៊ី កំពុងបង្កើនការសម្របសម្រួលស៊ើបអង្កេតលើករណី ធ្លាក់យន្តហោះដ៏សាហាវនៅជិតទីក្រុងអង់ការ៉ា ដែលបានសម្លាប់ប្រមុខកងទ័ពលីប៊ី ឧត្តមសេនីយ៍ Mohammed Ali Ahmed Al-Haddad និងមនុស្ស ៧ នាក់ផ្សេងទៀត កាលពីថ្ងៃទី ២៤ ខែធ្នូ ឆ្នាំ ២០២៥។
ប្រភពពីសារព័ត៌មានAl Jazeera នៅថកងៃទី២៦ខែធ្នូ។
យន្តហោះឯកជនប្រភេទ Dassault Falcon 50 ដែលធ្វើដំណើរពីអាកាសយានដ្ឋាន Ankara Esenboga ទៅកាន់ទីក្រុងទ្រីប៉ូលី បានរាយការណ៍ពីបញ្ហាអគ្គិសនីមិនយូរប៉ុន្មានបន្ទាប់ពីហោះឡើង និងបានស្នើសុំចុះចតបន្ទាន់។ ទោះយ៉ាងណា ការទាក់ទងជាមួយយន្តហោះបានបាត់បង់ ខណៈពេលកំពុងត្រឡប់មកអាកាសយានដ្ឋានវិញ មុនពេលវាធ្លាក់នៅជិតភូមិ Kesikkavak ស្រុក Haymana នៃទីក្រុងអង់ការ៉ា។
មន្ត្រីលីប៊ី និងទួរគីបានបើកការស៊ើបអង្កេតរួមគ្នា ដោយមានការចូលរួមពីព្រះរាជអាជ្ញាទួរគី និងគណៈប្រតិភូយោធាលីប៊ី។ សំណល់យន្តហោះត្រូវបានរកឃើញខ្ចាត់ខ្ចាយពាសពេញតំបន់ធំ ទើបធ្វើឲ្យដំណើរការកោសល្យវិច្ច័យ និងការធ្វើតេស្ត DNA ចំណាយពេលយូរ៕