អាជ្ញាធរស៊ីរីបាននិយាយថា កងកម្លាំងសន្តិសុខរបស់ខ្លួនបានសម្លាប់មេបញ្ជាការជាន់ខ្ពស់ម្នាក់របស់ក្រុម ISIL ក្នុងការវាយឆ្មក់សន្តិសុខមួយ នៅតំបន់ជនបទជិតទីក្រុងដាម៉ាស រដ្ឋធានីរបស់ប្រទេសស៊ីរី។
ប្រភពពីសារព័ត៌មានAl Jazeera នៅថ្ងៃទី២៦ខែធ្នូ។
ក្រសួងមហាផ្ទៃស៊ីរីបានបញ្ជាក់ថា ជនដែលត្រូវបានសម្លាប់មានឈ្មោះ Mohammed Shahadeh ដែលត្រូវបានគេស្គាល់ផងដែរថា Abu Omar Shaddad ហើយត្រូវបានពិពណ៌នាថាជាអភិបាលខេត្ត Hauran របស់ក្រុមISIL និងជាការគំរាមកំហែងធ្ងន់ធ្ងរដល់សន្តិសុខក្នុងតំបន់។
ប្រតិបត្តិការនេះត្រូវបានអនុវត្តដោយអង្គភាពឯកទេស បន្ទាប់ពីការស៊ើបការណ៍សម្ងាត់ និងការឃ្លាំមើលយ៉ាងម៉ត់ចត់ នៅតំបន់ al-Buwaida ជិតក្រុង Qatana ភាគនិរតីនៃដាម៉ាស ដោយមានការសម្របសម្រួលជាមួយអគ្គនាយកដ្ឋានស៊ើបការណ៍សម្ងាត់ទូទៅ និងកងកម្លាំងចម្រុះអន្តរជាតិ៕