លោក Lee Jae Myung ប្រធានាធិបតីកូរ៉េខាងត្បូង នៅថ្ងៃពុធ ទី២១ ខែមករា ឆ្នាំ២០២៦ បាននិយាយថា កូរ៉េខាងជើងកំពុងផលិតសារធាតុនុយក្លេអ៊ែរ ដែលគ្រប់គ្រាន់នឹងអាចផលិត បែកនុយក្លេអ៊ែរពី១០ ទៅ២០គ្រាប់ ក្នុងមួយឆ្នាំ។
សារព័ត៌មាន AFP។
សន្និសីទសារព័ត៌មានឆ្នាំថ្មី លោក Lee បានសង្កត់ធ្ងន់ថា កូរ៉េខាងជើង កំពុងអភិវឌ្ឍបច្ចេកវិទ្យាមីស៊ីល រយៈចម្ងាយឆ្ងាយ និងអន្តរទ្វីប ICBM ដែលមានសមត្ថភាពបាញ់ដល់ សហរដ្ឋអាមេរិក!។
តាមលោក Lee សមត្ថភាពមីស៊ីល ICBM របស់កូរ៉េខាងជើង មិនត្រឹមតែគំរាមកំហែងដល់សហរដ្ឋអាមេរិកប៉ុណ្ណោះទេ ។
តែក៏គំរាមកំហែងដល់ពិភពលោកទាំងមូលផងដែរ ដូច្នេះគេត្រូវការវិធីសាស្ត្រប្រាកដ និយមមួយដើម្បីដោះស្រាយបញ្ហានុយក្លេអ៊ែរកូរ៉េខាងជើង។
ចាប់តាំងឡើងស្បថ ចូលកាន់តំណែងជាប្រធានាធិបតីកូរ៉េខាងត្បូង កាលពីខែមិថុនា ឆ្នាំមុនមក លោក Lee Jae Myung បានជំរុញឱ្យមានកិច្ចសន្ទនាជាមួយកូរ៉េខាងជើង ដោយមិនមានការដាក់លក្ខខណ្ឌជាមុននោះទេ៕