រុស្ស៊ីបានបើកការវាយប្រហារទ្រង់ទ្រាយធំដោយប្រើមីស៊ីល និងដ្រូនលើប្រទេសអ៊ុយក្រែន នៅពេលយប់ឈានចូលថ្ងៃទី៣ ខែវិច្ឆិកា ឆ្នាំ២០២៦ ដោយបានវាយប្រហារលើហេដ្ឋារចនាសម្ព័ន្ធថាមពល មន្ទីរពេទ្យ និងអគារលំនៅឋាន បណ្ដាលឱ្យមនុស្សរាប់សិបនាក់រងរបួស។
សារព័ត៌មានKyiv post។
ក្នុងការវាយប្រហារនេះ កងកម្លាំងរុស្ស៊ីបានប្រើយន្តហោះទម្លាក់គ្រាប់បែកយុទ្ធសាស្ត្រ មីស៊ីលរយៈចម្ងាយឆ្ងាយ មីស៊ីលបាលីស្ទិក និងយន្តហោះគ្មានមនុស្សបើកវាយប្រហារ។ ការផ្ទុះត្រូវបានរាយការណ៍នៅទីក្រុងជាច្រើន រួមមាន Kharkiv, Dnipro និង Zhytomyr។
ប្រភពព័ត៌មានបានឱ្យដឹងថា ហេដ្ឋារចនាសម្ព័ន្ធអគ្គិសនីជាគោលដៅសំខាន់មួយក្នុងការវាយប្រហារ ដែលបណ្ដាលឱ្យអាជ្ញាធរអ៊ុយក្រែនត្រូវដាក់ចេញវិធានការកាត់ផ្ដាច់ចរន្តអគ្គិសនីជាបន្ទាន់ នៅទីក្រុងកៀវ និងតំបន់មួយចំនួន។
ទីក្រុង Kharkiv បានរងការវាយប្រហារខ្លាំងជាងគេ ដោយមន្ទីរពេទ្យមួយនៅក្នុងទីក្រុងត្រូវបានបំផ្លាញ និងបណ្ដាលឱ្យមនុស្ស ៧៣នាក់រងរបួស តាមតួលេខចុងក្រោយរបស់អាជ្ញាធរតំបន់។
ការវាយប្រហារនេះបានបង្កការព្រួយបារម្ភអំពីសុវត្ថិភាពប្រជាពលរដ្ឋ និងការខូចខាតហេដ្ឋារចនាសម្ព័ន្ធសំខាន់ៗរបស់អ៊ុយក្រែន៕
