ប្រធានាធិបតីម៉ិកស៊ិក លោកស្រី Claudia Sheinbaum បានស្នើសុំជាផ្លូវការទៅកាន់សមភាគីកូរ៉េខាងត្បូង ឱ្យពិចារណាបន្ថែមការប្រគំតន្ត្រីរបស់ក្រុមចម្រៀង K-pop BTS នៅម៉ិកស៊ិក បន្ទាប់ពីមានតម្រូវការខ្ពស់ខ្លាំងពីអ្នកគាំទ្រ។
ប្រភពពីសារព័ត៌មានReuters នៅថ្ងៃទី២៧ខែមករា។
លោកស្រីបានបញ្ជាក់ថា មានអ្នកគាំទ្រជាង ១ លាននាក់ បានព្យាយាមទិញសំបុត្រ សម្រាប់ការប្រគំតន្ត្រីដែលគ្រោងធ្វើឡើងនៅទីក្រុងម៉ិកស៊ិកក្នុងខែឧសភា បន្ទាប់ពីសមាជិក BTS បញ្ចប់ការបម្រើកងទ័ព។
ជាមួយគ្នានេះ អង្គការឃ្លាំមើលអ្នកប្រើប្រាស់របស់ម៉ិកស៊ិកបានបើកការស៊ើបអង្កេតលើក្រុមហ៊ុន Ticketmaster និងចាត់វិធានការលើអ្នកលក់សំបុត្របន្ត ដើម្បីទប់ស្កាត់ការឡើងថ្លៃ និងការលក់ខុសច្បាប់។
ព្រឹត្តិការណ៍នេះបង្ហាញពីឥទ្ធិពលវប្បធម៌ K-pop ដែលកំពុងកើនឡើងយ៉ាងខ្លាំងនៅអាមេរិកឡាតាំង និងសម្ពាធលើអាជ្ញាធរ ក្នុងការធានាឱ្យមានភាពត្រឹមត្រូវក្នុងទីផ្សារសំបុត្រការប្រគំតន្ត្រី៕