លោកElon Musk ប្រធានក្រុមហ៊ុន xAI បាននិយាយថា ក្រុមហ៊ុនកំពុងចំណាយប្រាក់ច្រើនពេកក្នុងការដំណើរការកម្មវិធីបញ្ញាសិប្បនិម្មិត Grok Bot ខណៈប្រាក់ចំណូលដែលទទួលបានមិនទាន់អាចគ្របដណ្តប់លើការចំណាយទាំងនោះបានទេ។
សារព័ត៌មានAnadolu Agency នៅថ្ងៃទី២ ខែវិច្ឆិកា។
ការលើកឡើងនេះធ្វើឡើង បន្ទាប់ពីអ្នកប្រើប្រាស់ដែលបានបង់ប្រាក់ជាវសេវាកម្ម បានត្អូញត្អែរថា ពួកគេប្រើប្រាស់ Grok Bot អស់ចំនួនកំណត់ប្រចាំសប្តាហ៍លឿនជាងធម្មតា និងបានស្នើឱ្យក្រុមហ៊ុនបន្ថែមចំនួនប្រើប្រាស់ឡើងវិញ។
លោក Musk បានឆ្លើយតបថា ការផ្តល់សេវាកម្មនេះត្រូវចំណាយប្រាក់ខ្ពស់ខ្លាំង បើប្រៀបធៀបនឹងចំណូលដែលរកបាន។ ប៉ុន្តែ លោកមិនបានបញ្ជាក់ថា ក្រុមហ៊ុននឹងបន្ថែមចំនួនប្រើប្រាស់ឱ្យអតិថិជនវិញ ឬផ្លាស់ប្តូរលក្ខខណ្ឌប្រើប្រាស់នោះទេ។
គួរបញ្ជាក់ថា Grok Bot ជាកម្មវិធី AI របស់ក្រុមហ៊ុន xAI ដែលអាចជួយធ្វើការងារច្រើនជំហានដោយស្វ័យប្រវត្តិ ដូចជា ប្រើប្រាស់កម្មវិធីផ្សេងៗ និងធ្វើការងារតាមអ៊ីនធឺណិត។ កម្មវិធីនេះអាចប្រើបានតាមរយៈគម្រោងជាវបង់ប្រាក់មួយចំនួន៕
