សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា កាលពីថ្ងៃពុធ ទី២៥ ខែកុម្ភៈ ឆ្នាំ២០២៦ បានលើកឡើងថាមជ្ឈមណ្ឌលឆបោកបាន និងកំពុងបំផ្លាញសេដ្ឋកិច្ចរបស់កម្ពុជា ។
ក៏ដូចជាធ្វើឱ្យកម្ពុជាមានឈ្មោះមិនល្អ ប៉ុន្តែសម្ដេច ច្រានចោលរាល់ការចោទប្រកាន់ ដែលថារដ្ឋាភិបាល បានសមគំនិត ឬបានចូលរួមជាមួយមជ្ឈមណ្ឌលឆបោកទាំងអស់នោះ។
សារព័ត៌មាន AFP។
សម្ដេចធិបតី ថ្លែងបែបនេះ នៅក្នុងបទសម្ភាសន៍ជាមួយទីភ្នាក់ងារសារព័ត៌មានបារាំង AFP។
សម្ដេចធិបតី បានកត់សម្គាល់ទៀតថា បណ្ដាញឆបោកដែលយើងហៅថាសេដ្ឋកិច្ចខ្មៅកំពុងបំផ្លាញសេដ្ឋកិច្ចដ៏បវររបស់យើង ហើយវាក៏បានធ្វើឱ្យកម្ពុជាមានឈ្មោះមិនល្អផងដែរ ដោយធ្វើឱ្យប៉ះពាល់ដល់វិស័យទេសចរណ៍ និងការវិនិយោគ។
នេះហើយជាហេតុផលដែលត្រូវចាំបាច់ត្រូវកម្ចាត់បណ្ដាញឆបោក។
សម្ដេចធិបតី ទទួលស្គាល់ថា ឧក្រិដ្ឋកម្មឆបោកពិតជាបានជំរុញ ដោយប្រយោលដល់សកម្មភាពធុរកិច្ច និងផ្ដល់ការងារធ្វើមួយចំនួនពិតមែន ។
ប៉ុន្តែសម្ដេចបានបដិសេធថាកម្ពុជាមិនបានទទួលផលប្រយោជន៍ពីមជ្ឈមណ្ឌលឆបោកនោះទេ។
ជាការពិតណាស់ មជ្ឈមណ្ឌលឆបោកប្រហែលជា បានបង្កើតលទ្ធផលដោយផ្ទាល់មួយចំនួនដល់វិស័យអចលនទ្រព្យ ការវិនិយោគមួយចំនួន អគារ ការទិញ និងរបៀបបង្កើតមជ្ឈមណ្ឌលឆបោក។
ក៏ប៉ុន្តែទាំងអស់នេះមិនបានផ្ដល់ផលចំណេញដល់រដ្ឋាភិបាលកម្ពុជាឡើយ។ នេះជាការគូសបញ្ជាក់បន្ថែមរបស់សម្ដេចធិបតី។
ដោយឡែក ពាក់ព័ន្ធនឹងសំណុំរឿងមេឧក្រិដ្ឋជនឆបោក Chen Zhi សម្ដេចធិបតីប្រាប់ AFP នាឱកាសបំពេញទស្សនកិច្ចក្នុងទីក្រុងព្រុចសែល ថា យើងមិនបានដឹងថាគាត់ (Chen Zhi) ជាមេឧក្រិដ្ឋជនឆបោកនោះទេ។
សម្ដេចធិបតី ធ្វើបត្យាប័ន Chen Zhi ទៅកាន់ចិន មិនមែនទៅកាន់សហរដ្ឋអាមេរិក ។
ដែលបានចោទប្រកាន់ជាផ្លូវការប្រឆាំងមេឧក្រិដ្ឋជនឆបោករូបនេះ គឺដោយសារតែរូបគេជាជនជាតិចិន។
សម្ដេចធិបតី Chen Zhi ត្រូវបានដកហូតសញ្ជាតិកម្ពុជា បន្ទាប់ពីមេឧក្រិដ្ឋជនឆបោករូបនេះប្រើប្រាស់ ឯកសារក្លែងក្លាយដើម្បីទទួលបានសញ្ជាតិ៕