អធិការបតីអាល្លឺម៉ង់លោក Friedrich Merz បានធ្វើដំណើរទស្សនកិច្ចរយៈពេលពីរថ្ងៃនៅប្រទេសចិន ដោយផ្តោតលើការពង្រឹង និងកែសម្រួលទំនាក់ទំនងពាណិជ្ជកម្មឱ្យមានភាពយុត្តិធម៌និងបើកចំហជាងមុន។
ប្រភពពីសារព័ត៌មានAl Jazeeraនៅថ្ងៃទី២៥ខែកុម្ភៈ។
នៅទីក្រុងប៉េកាំង លោក Merz បានជួបនាយករដ្ឋមន្ត្រីចិន Li Qiang ដោយសង្កត់ធ្ងន់ថា អាល្លឺម៉ង់ចង់បន្តកិច្ចសហប្រតិបត្តិការសេដ្ឋកិច្ចជាមួយចិន។
ប៉ុន្តែត្រូវការទីលានប្រកួតស្មើភាពគ្នា ខណៈឧស្សាហកម្មអាល្លឺម៉ង់កំពុងប្រឈមការប្រកួតប្រជែងខ្លាំងពីផលិតផលចិនមានតម្លៃទាប។
ភាគីទាំងពីរបានចុះហត្ថលេខាលើកិច្ចព្រមព្រៀង និងអនុស្សរណៈជាច្រើន រួមទាំងវិស័យបម្លែងអាកាសធាតុ និងសន្តិសុខស្បៀងអាហារ។
ខាងចិនបានអំពាវនាវឱ្យអាល្លឺម៉ង់ និងចិនការពារពហុភាគីនិយម និងពាណិជ្ជកម្មសេរី ក្នុងបរិបទភាពតានតឹងពាណិជ្ជកម្មសកល។
ដំណើរទស្សនកិច្ចនេះក៏កើតឡើង ខណៈអត្រានាំចូលរបស់អាល្លឺម៉ង់ពីចិនកើនឡើង ខណៈការនាំចេញទៅចិនបានធ្លាក់ចុះ បង្កើនការព្រួយបារម្ភអំពីអតុល្យភាពពាណិជ្ជកម្មរវាងប្រទេសទាំងពីរ៕