យោងតាមក្រសួងសុខាភិបាលលីបង់ បានឱ្យដឹងថា មនុស្ស៦នាក់បានស្លាប់ និង ២៤នាក់រងរបួស ក្នុងការវាយប្រហារតាមអាកាសរបស់អ៊ីស្រាអែល នៅព្រឹកថ្ងៃពុធទី១៨.០៣.២០២៦ លើអាផាតមិនលំនៅដ្ឋាន កណ្តាលទីក្រុងបេរូត។
សារព័ត៌មាន Anadolu។
មជ្ឈមណ្ឌលប្រតិបត្តិការសង្គ្រោះបន្ទាន់របស់លីបង់ បាននិយាយថា ចំនួនអ្នកស្លាប់បឋម បណ្តាលមកពីការវាយប្រហារពីរលើករបស់អ៊ីស្រាអែល លើអាផាតមិននៅក្នុងតំបន់ Zoqaq al-Blat និង Basta al-Fawqa នៃរដ្ឋធានី។
ក្រុមជួយសង្គ្រោះ បានរកឃើញសាកសពមនុស្សពីកន្លែងវាយប្រហារ ដោយអាជ្ញាធរនិយាយថា អត្តសញ្ញាណជនរងគ្រោះនឹងត្រូវបានកំណត់តាមរយៈការធ្វើតេស្ត DNA។
ការវាយប្រហារតាមអាកាសរបស់អ៊ីស្រាអែលពីរលើក ក៏បានកំណត់គោលដៅតំបន់ជាយក្រុងភាគខាងត្បូងនៃទីក្រុងបេរូតផងដែរ។
កងទ័ពអ៊ីស្រាអែល បានបញ្ជាឱ្យប្រជាជននៅទីក្រុង Tyre ភាគខាងត្បូងប្រទេសលីបង់ និងជំរំជនភៀសខ្លួនប៉ាឡេស្ទីនក្បែរនោះជម្លៀសចេញនៅថ្ងៃអង្គារ ។
ដោយព្រមានថា ខ្លួននឹងកំណត់គោលដៅទីតាំងដែលខ្លួនអះអាងថា ត្រូវបានប្រើប្រាស់ដោយក្រុម Hezbollah៕