កាលពីថ្ងៃទី១៧ ខែមីនា ឆ្នាំ២០២៦ កងយោធា សហរដ្ឋអាមេរិក បានប្រើគ្រាប់បែកបំផ្លាញបេនឃើរទម្ងន់ ៥០០០ផោន ដើម្បីវាយប្រហារទៅលើទីតាំងមីស៊ីលក្រោមដីរបស់អ៊ីរ៉ង់នៅជិតច្រកសមុទ្រហ័រមូស។ ការវាយប្រហារនេះត្រូវបានបញ្ជាក់ដោយបញ្ជាការកណ្តាលសហរដ្ឋអាមេរិក (CENTCOM) ថា បានប្រើគ្រាប់រំសេវដោយជ្រៀតចូលជ្រៅជាច្រើនគ្រាប់ និងបានវាយគោលដៅដោយជោគជ័យ។
ប្រភពពីសារព័ត៌មានNew York post។
ហេតុការណ៍នេះកើតឡើងក្នុងបរិបទភាពតានតឹងខ្ពស់រវាងសហរដ្ឋអាមេរិក និងអ៊ីរ៉ង់ ដែលបានប៉ះពាល់ដល់ការដឹកជញ្ជូនប្រេងតាមផ្លូវទឹកសំខាន់ក្នុងតំបន់ឈូងសមុទ្រពែរ្ស។ ការវាយប្រហារនេះត្រូវបានគេមើលឃើញថា ជាជំហានបន្តនៃជម្លោះយោធាដែលកំពុងកើនឡើងនៅតំបន់មជ្ឈិមបូព៌ា៕