ប៉ូលីសកេនយ៉ា បានបញ្ជាក់ថាមនុស្សយ៉ាងហោចណាស់១៨នាក់បានស្លាប់ បន្ទាប់ពីភ្លៀងធ្លាក់ខ្លាំងបង្កឲ្យមានទឹកជំនន់ និងបាក់ដីនៅតំបន់ជាច្រើន រួមមាន Tharaka Nithi, Elgeyo-Marakwet និង Kiambu។
ប្រភពពីសារព័ត៌មានAnadolu Agency នៅថ្ងៃទី៤ខែឧសភា។
គ្រោះមហន្តរាយនេះបានបំផ្លាញផ្ទះសម្បែងជាច្រើន និងបង្ខំឲ្យប្រជាជនជាច្រើនភៀសខ្លួន ខណៈក្រុមជួយសង្គ្រោះកំពុងបន្តស្វែងរកអ្នករងគ្រោះ និងជម្លៀសប្រជាជនចេញពីតំបន់គ្រោះថ្នាក់។
អាជ្ញាធរបានព្រមានថា ហានិភ័យនៅតែខ្ពស់ ដោយសារភ្លៀងនៅបន្តធ្លាក់ក្នុងរដូវវស្សា ហើយបានអំពាវនាវឲ្យប្រជាពលរដ្ឋប្រុងប្រយ័ត្ន ដើម្បីជៀសវាងការបាត់បង់ជីវិតបន្ថែម៕