ប្រធានាធិបតីតួកគី លោក Recep Tayyip Erdogan ប្រកាសថាតួកគីបាននាំចេញនាវាចម្បាំងទៅកាន់ប្រទេសសមាជិកណាតូ និងសហភាពអឺរ៉ុបជាលើកដំបូងក្នុងប្រវត្តិសាស្ត្រ តាមរយៈកិច្ចព្រមព្រៀងលក់ជាមួយ Romania។
ប្រភពពីសារព័ត៌មានAnadolu Agency នៅថ្ងៃទី២០ខែមិថុនា។
ការប្រកាសនេះធ្វើឡើងក្នុងពិធីប្រគល់នាវាល្បាតក្រៅឆ្នេរ CAm. Roman ដល់កងទ័ពជើងទឹករ៉ូម៉ានី និងពិធីដាក់ឱ្យដំណើរការវេទិកាបញ្ជាការកងទ័ពជើងទឹកតួកគី នៅទីក្រុង Istanbul។
លោក Erdogan បានឱ្យដឹងថា តួកគីបានសាងសង់នាវា និងវេទិកាកងទ័ពជើងទឹកជាង ១៤០ គ្រឿងសម្រាប់ប្រទេសនានាជុំវិញពិភពលោក ហើយបច្ចុប្បន្នជាប្រទេសមួយក្នុងចំណោមប្រទេសដែលមានសមត្ថភាពសាងសង់នាវាចម្បាំងជាច្រើនក្នុងពេលតែមួយ៕
