នៅថ្ងៃសៅរ៍ទី២០ខែមិថុនា យ៉ាងហោចណាស់មនុស្ស៧នាក់បានស្លាប់និងមនុស្សជាច្រើននាក់ទៀតរងរបួស បន្ទាប់ពីមានការផ្ទុះគ្រាប់បែកពីរលើកនៅស្រុកBannu ខេត្ត Khyber Pakhtunkhwa ភាគពាយ័ព្យប្រទេសប៉ាគីស្ថាន។
ប្រភពពីសារព័ត៌មានAnadolu Agency។
តាមការបញ្ជាក់របស់ប៉ូលិស គ្រាប់បែកត្រូវបានដាក់នៅក្បែរផ្លូវ។ ការផ្ទុះលើកដំបូងបានវាយប្រហាររថយន្តដឹកអ្នកដំណើរមួយគ្រឿង បណ្ដាលឱ្យមនុស្ស៥នាក់ស្លាប់និង៣ នាក់រងរបួស។
បន្ទាប់មក ខណៈដែលប្រជាពលរដ្ឋ និងក្រុមសង្គ្រោះកំពុងដឹកជញ្ជូនសាកសព និងអ្នករងរបួសទៅមន្ទីរពេទ្យ ការផ្ទុះលើកទីពីរបានកើតឡើង ដោយសម្លាប់មនុស្ស ២ នាក់ទៀត។
តំបន់ Bannu ស្ថិតនៅជិត North Waziristan ដែលជាតំបន់មានបញ្ហាសន្តិសុខញឹកញាប់នៅជិតព្រំដែន Afghanistan។ អាជ្ញាធរកំពុងបើកការស៊ើបអង្កេតដើម្បីកំណត់អ្នកនៅពីក្រោយការវាយប្រហារនេះ៕
