កូរ៉េខាងជើង បាននិយាយនៅថ្ងៃអាទិត្យទី១៤.០៦.២០២៦ថា ការលុបបំបាត់អាវុធនុយក្លេអ៊ែរ គឺជាបញ្ហាដែលត្រូវបញ្ចប់ ដោយមិនអាចត្រឡប់វិញបាន។
ខណៈដែលខ្លួន បានថ្កោលទោសការទប់ស្កាត់អាវុធនុយក្លេអ៊ែរថ្មីៗ ពីសំណាក់អាមេរិក និងកូរ៉េខាងត្បូង។
សារព័ត៌មាន(រ៉យទ័រ)។
អ្នកនាំពាក្យក្រសួងការបរទេសកូរ៉េខាងជើង បាននិយាយនៅក្នុងសេចក្តីថ្លែងការណ៍មួយ ដែលចេញផ្សាយដោយប្រព័ន្ធផ្សព្វផ្សាយរដ្ឋ KCNAថា «វោហាសាស្ត្រគ្មានន័យរបស់សហរដ្ឋអាមេរិក និងកងកម្លាំងចំណុះរបស់ខ្លួនប្រឆាំងនឹងកូរ៉េខាងជើង និងកិច្ចសហប្រតិបត្តិការក្នុងការបង្កការគំរាមកំហែងនុយក្លេអ៊ែរដល់ខ្លួន មិនអាចប៉ះពាល់ដល់ជំហរ ដែលមិនអាចត្រឡប់វិញបានរបស់កូរ៉េខាងជើងក្នុងនាមជារដ្ឋអាវុធនុយក្លេអ៊ែរនោះទេ»។
របាយការណ៍នេះ បាននិយាយថា«ការលុបបំបាត់អាវុធនុយក្លេអ៊ែរ» គឺជាបញ្ហាដែលត្រូវបានបញ្ចប់ដោយមិនអាចត្រឡប់វិញបាន»។
កាលពីសប្តាហ៍មុន មន្ត្រីសហរដ្ឋអាមេរិក និងកូរ៉េខាងត្បូង បានពិភាក្សាអំពីការពង្រឹងការទប់ស្កាត់អាវុធនុយក្លេអ៊ែរ និងការត្រៀមខ្លួនប្រឆាំងនឹងកម្មវិធីអាវុធដែលកំពុងកើនឡើងរបស់កូរ៉េខាងជើង នៅក្នុងកិច្ចពិភាក្សានៅទីក្រុងសេអ៊ូល ក្រោមក្រុមពិគ្រោះយោបល់នុយក្លេអ៊ែរ (NCG) របស់ពួកគេ៕
