អាជ្ញាធរកុងហ្គោ បានរាយការណ៍ថាករណីឆ្លងជំងឺអេបូឡាបានកើនដល់៧១០នាក់ ខណៈចំនួនអ្នកស្លាប់បានកើនដល់១៤៩នាក់។
ប្រភពពីសារព័ត៌មានTRT World នៅថ្ងៃទី១៤ខែមិថុនា។
យោងតាមទិន្នន័យផ្លូវការ ករណីថ្មីចំនួន21ត្រូវបានរកឃើញក្នុងរយៈពេល24ម៉ោងចុងក្រោយ ដែលបង្ហាញថាជំងឺនេះកំពុងបន្តរីករាលដាល។
ការផ្ទុះជំងឺអេបូឡានៅភាគខាងកើតប្រទេសកុងហ្គោ ត្រូវបានប្រកាសកាលពីប៉ុន្មានសប្តាហ៍មុន ហើយក្នុងរយៈពេលមិនដល់មួយខែផង មានមនុស្សជាង100នាក់បានស្លាប់រួចទៅហើយ។
អាជ្ញាធរសុខាភិបាលកំពុងបង្កើនវិធានការទប់ស្កាត់ និងគ្រប់គ្រងការឆ្លង ខណៈមានការព្រួយបារម្ភថា ចំនួនអ្នកឆ្លង និងអ្នកស្លាប់អាចបន្តកើនឡើងបន្ថែមទៀត៕
