ប្រធានាធិបតីអ៊ុយក្រែន លោកVolodymyr Zelenskyy បានចោទប្រកាន់ប្រធានាធិបតីប៉ូឡូញ លោកKarol Nawrocki ថាកំពុងប្រើអារម្មណ៍ប្រឆាំងនឹងអ៊ុយក្រែន ដើម្បីទាក់ទាញការគាំទ្រនយោបាយនៅក្នុងប្រទេសប៉ូឡូញ។
ប្រភពពីសារព័ត៌មានAnadolu Agency នៅថ្ងៃទី២២ខែមិថុនា។
លោក Zelenskyy បានព្រមានថា ការបង្កើនអារម្មណ៍ស្អប់ខ្ពើមចំពោះអ៊ុយក្រែន អាចនាំឱ្យមានបញ្ហាធ្ងន់ធ្ងរនាពេលអនាគត។
ការខ្វែងគំនិតនេះកើតឡើង បន្ទាប់ពីប៉ូឡូញមិនពេញចិត្តនឹងការដែលអ៊ុយក្រែនដាក់ឈ្មោះអង្គភាពយោធាមួយតាមកងទ័ព UPA ដែលប៉ូឡូញចាត់ទុកថាពាក់ព័ន្ធនឹងការសម្លាប់ជនស៊ីវិលប៉ូឡូញអំឡុងសង្គ្រាមលោកលើកទី២។
ទោះជាយ៉ាងណា លោក Nawrocki បញ្ជាក់ថា ប៉ូឡូញនៅតែគាំទ្រអ៊ុយក្រែន ហើយការរិះគន់របស់លោកគឺសំដៅលើសកម្មភាពរដ្ឋាភិបាលអ៊ុយក្រែន មិនមែនប្រជាជនអ៊ុយក្រែនទេ៕
