គ្លីនិកផលិត និងដាក់ភ្នែកសិប្បនិម្មិតតែមួយគត់នៅតំបន់ហ្គាហ្សា បានបើកដំណើរការឡើងវិញជាលើកដំបូងក្នុងរយៈពេលជិត ៣ ឆ្នាំ ដើម្បីផ្តល់ការព្យាបាលដល់អ្នករងរបួសពីសង្គ្រាម ខណៈមនុស្សរាប់រយនាក់បានចុះឈ្មោះសុំទទួលសេវា។
ប្រភពពីសារព័ត៌មានAl Jazeera នៅថ្ងៃទី២៦ខែមិថុនា។
បុគ្គលិកវេជ្ជសាស្ត្របានឱ្យដឹងថា ចាប់តាំងពីខែតុលា ឆ្នាំ២០២៣ មានភ្នែកសិប្បនិម្មិតត្រឹមតែ ១៤០ ប៉ុណ្ណោះដែលត្រូវបានអនុញ្ញាតឱ្យចូលទៅក្នុងហ្គាហ្សា ហើយសម្ភារៈកំពុងខ្វះខាតយ៉ាងខ្លាំង។
កុមារប្រុសអាយុ ១៣ ឆ្នាំម្នាក់ ឈ្មោះ យូសេហ្វ ដែលបានបាត់បង់ភ្នែកក្នុងការវាយប្រហារតាមអាកាសរបស់អ៊ីស្រាអែល បានទទួលភ្នែកសិប្បនិម្មិតថ្មី។ ម្តាយរបស់គាត់បាននិយាយថា ភ្នែកសិប្បនិម្មិតនេះមិនត្រឹមតែធ្វើឱ្យរូបរាងកូនប្រសើរឡើងប៉ុណ្ណោះទេ ប៉ុន្តែថែមទាំងជួយស្តារទំនុកចិត្តរបស់គាត់ឡើងវិញផងដែរ។
ទោះជាយ៉ាងណា អ្នកឯកទេសបានព្រមានថា ការខ្វះសម្ភារៈ និងទំហំភ្នែកសិប្បនិម្មិតដែលសមស្រប កំពុងធ្វើឱ្យអ្នកជំងឺជាច្រើនមិនអាចទទួលបានការព្យាបាលពេញលេញ ខណៈតម្រូវការជំនួយផ្នែកវេជ្ជសាស្ត្រនៅហ្គាហ្សានៅតែមានកម្រិតខ្ពស់៕
