អាជ្ញាធរចិនបានជម្លៀសប្រជាជនជាង១,៨ លាននាក់ មុនពេលព្យុះទីហ្វុង បាវី (Bavi) វាយប្រហារទីក្រុងវិនចូវ (Wenzhou) នៅភាគខាងកើតប្រទេស។
ប្រភពពីសារព័ត៌មានReuter នៅថ្ងៃទី១១ខែកក្កដា។
ព្យុះនេះបានបោកបក់ឆ្លងកាត់កោះ Sakishima របស់ជប៉ុន និងភាគខាងជើងកោះតៃវ៉ាន់ ដោយបង្កភ្លៀងធ្លាក់ខ្លាំង និងខ្យល់កន្ត្រាក់។ នៅតៃវ៉ាន់ ជើងហោះហើររាប់រយត្រូវបានលុបចោល។
ទោះបីព្យុះបាវីកំពុងថយកម្លាំងបន្តិចក៏ដោយ អាជ្ញាធរព្រមានថា វានៅតែអាចបង្កទឹកជំនន់ និងគ្រោះថ្នាក់ធ្ងន់ធ្ងរ ដោយសារផ្ទុកសំណើមយ៉ាងច្រើន៕
