អាជ្ញាធរការពារស៊ីវិលអាល់ហ្សេរីបានឱ្យដឹងថា ប្រទេសនេះបានកត់ត្រាភ្លើងឆេះចំនួន១១៩ករណី ក្នុងរយៈពេល២ម៉ោង ប៉ះពាល់ដល់ព្រៃឈើ ដីកសិកម្ម និងចម្ការដូង។
ប្រភពពីសារព័ត៌មានAnadolu Agency នៅថ្ងៃទី១១ខែកក្កដា។
ក្រុមពន្លត់អគ្គិភ័យបានគ្រប់គ្រងភ្លើងបាន១១៤ ករណី ខណៈ៤ ករណីទៀតកំពុងស្ថិតក្រោមការតាមដាន ដើម្បីទប់ស្កាត់ការឆាបឆេះឡើងវិញ។ ក្នុងនោះ ភ្លើងឆេះព្រៃមួយនៅខេត្ត Guelma នៅតែបន្តឆាបឆេះ ហើយកម្លាំងជំនាញកំពុងព្យាយាមពន្លត់។
អាជ្ញាធរបានព្រមានថា រលកកម្តៅអាចធ្វើឱ្យសីតុណ្ហភាពឡើងដល់ ៤៦ អង្សាសេ នៅតំបន់ភាគខាងជើង ហើយបានអំពាវនាវឱ្យប្រជាពលរដ្ឋ ជាពិសេសមនុស្សចាស់ កុមារ និងអ្នកមានជំងឺរ៉ាំរ៉ៃ កាត់បន្ថយការចេញក្រៅផ្ទះក្នុងម៉ោងក្តៅខ្លាំង៕
