នាយករដ្ឋមន្ត្រីឥណ្ឌា លោក ណារិនដ្រា ម៉ូឌី និងនាយករដ្ឋមន្ត្រីនូវែលសេឡង់ លោក គ្រីស្តូហ្វើរ លុចសុន បានប្រកាសលើកកម្រិតទំនាក់ទំនងរវាងប្រទេសទាំងពីរទៅជាភាពជាដៃគូយុទ្ធសាស្ត្រក្នុងជំនួបនៅទីក្រុងអូកឡែន។
ប្រភពពីសារព័ត៌មានReuter នៅថ្ងៃទី១១ខែកក្កដា។
ភាគីទាំងពីរបានបញ្ជាក់ថា នឹងពង្រឹងកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម សន្តិសុខ និងតំបន់ឥណ្ឌូ-ប៉ាស៊ីហ្វិក ដោយផ្អែកលើតម្លៃប្រជាធិបតេយ្យ និងផលប្រយោជន៍រួម។
ដំណើរទស្សនកិច្ចរបស់លោក ម៉ូឌី គឺជាលើកដំបូងរបស់នាយករដ្ឋមន្ត្រីឥណ្ឌាទៅកាន់នូវែលសេឡង់ក្នុងរយៈពេលជិត ៤០ ឆ្នាំ ហើយត្រូវបានចាត់ទុកថាជាជំហានសំខាន់ក្នុងការពង្រឹងទំនាក់ទំនងរវាងប្រទេសទាំងពីរ៕
