អ៊ីរ៉ង់ បានអំពាវនាវឱ្យអង្គការសហប្រជាជាតិ(UN) ចាត់វិធានការប្រឆាំងសហរដ្ឋអាមេរិក ដោយចោទថា បានរំលោភច្បាប់អន្តរជាតិ និងមិនគោរពកាតព្វកិច្ចក្រោមកិច្ចព្រមព្រៀងសន្តិភាពដែលភាគីទាំងពីរបានចុះហត្ថលេខាកាលពីខែមិថុនា។
ប្រភពពីសារព័ត៌មានAnadolu Agency នោថ្ងៃទី១១ខែកក្កដា។
ឯកអគ្គរដ្ឋទូតអ៊ីរ៉ង់ប្រចាំUN លោក Amir Saeid Iravani បានថ្លែងថា អ៊ីរ៉ង់នៅតែប្តេជ្ញាអនុវត្តកិច្ចព្រមព្រៀង ប៉ុន្តែប្រសិនបើសហរដ្ឋអាមេរិកបន្តរំលោភកាតព្វកិច្ចរបស់ខ្លួន នោះអ៊ីរ៉ង់ក៏នឹងលែងមានកាតព្វកិច្ចអនុវត្តតាមដូចគ្នា។
លោកក៏បានអំពាវនាវឱ្យក្រុមប្រឹក្សាសន្តិសុខ និងអគ្គលេខាធិការអង្គការសហប្រជាជាតិ ចាត់វិធានការដើម្បីទប់ស្កាត់ការកើនឡើងនៃភាពតានតឹង និងធានាឱ្យសហរដ្ឋអាមេរិកគោរពកាតព្វកិច្ចរបស់ខ្លួន៕
