អ៊ីរ៉ង់បានបដិសេធការអះអាងរបស់ប្រធានាធិបតីអាមេរិក លោក ដូណាល់ ត្រាំ ដែលថា ទីក្រុងតេអេរ៉ង់បានស្នើបន្តកិច្ចចរចាជាមួយសហរដ្ឋអាមេរិក។
ប្រភពពីសារព័ត៌មានAnadolu Agency នៅថ្ងៃទី១១ខែកក្កដា។
អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បានបញ្ជាក់ថា អ៊ីរ៉ង់មិនបានស្នើសុំចរចាជាមួយអាមេរិកឡើយ ហើយបានព្រមានថា ប្រសិនបើទីក្រុងវ៉ាស៊ីនតោនបន្តរំលោភកិច្ចព្រមព្រៀងសន្តិភាព អ៊ីរ៉ង់នឹងឆ្លើយតបវិញតាមសមាមាត្រ។
លោកក៏បានចោទអាមេរិកថា បានបន្តដាក់ទណ្ឌកម្មថ្មី និងរារាំងការលក់ប្រេងរបស់អ៊ីរ៉ង់ ដែលជាការរំលោភលើអនុស្សរណៈយោគយល់គ្នា (MOU) ដែលភាគីទាំងពីរបានចុះហត្ថលេខាកាលពីខែមិថុនា៕
