ភាពតានតឹងរវាងអាមេរិកនិងអ៊ីរ៉ង់ បានកើនឡើងជាថ្មី បន្ទាប់ពីអ៊ីរ៉ង់បានវាយប្រហារលើមូលដ្ឋានយោធាអាមេរិកនៅគុយវ៉ែត បារ៉ែន និងហ្សកដានី ក្រោយរងការវាយប្រហារពីអាមេរិកអស់រយៈពេល៧យប់ជាប់គ្នា។
ប្រភពពីសារព័ត៌មានTRT World នៅថ្ងៃទី១៨ខែកក្កដា។
អ៊ីរ៉ង់បានអះអាងថា ការវាយប្រហាររបស់អាមេរិកបានសម្លាប់មនុស្ស ៣នាក់ និងប៉ះពាល់ដល់ហេដ្ឋារចនាសម្ព័ន្ធស៊ីវិល រួមមានអាកាសយានដ្ឋាន ស្ថានីយរថភ្លើង និងស្ពានពីរ។ ទន្ទឹមនឹងនេះ កងឆ្មាំបដិវត្តន៍អ៊ីរ៉ង់ (IRGC) បានប្រកាសថា នឹងបន្តប្រតិបត្តិការវាយប្រហារទ្រង់ទ្រាយធំ ប្រសិនបើអាមេរិកនៅតែបន្តវាយប្រហាររយៈពេល ២ ទៅ ៣ថ្ងៃទៀត។
ភាគីអាមេរិកវិញ បញ្ជាក់ថា កងកម្លាំងរបស់ខ្លួននៅតែបន្តវាយប្រហារ ដើម្បីកាត់បន្ថយសមត្ថភាពយោធារបស់អ៊ីរ៉ង់ ខណៈការប្រឈមមុខរវាងប្រទេសទាំងពីរនៅតែបន្តកើនឡើង៕
