អង្គការសហប្រជាជាតិបានព្រមានថា ការផ្ទុះជំងឺអេបូឡានៅសាធារណរដ្ឋប្រជាធិបតេយ្យកុងហ្គោ កំពុងរីករាលដាលក្នុងល្បឿនលឿនបំផុតមិនធ្លាប់មាន ហើយអាចធ្វើឱ្យប្រព័ន្ធជំនួយមនុស្សធម៌មិនអាចទប់ទល់បាន។
ប្រភពពីសារព័ត៌មានAnadolu Agency នៅថ្ងៃទី ១៥ សីហា ២០២៦។
លោក Tom Fletcher ប្រធានផ្នែកជំនួយមនុស្សធម៌របស់អង្គការសហប្រជាជាតិ បាននិយាយថា ជំងឺអេបូឡាកំពុង “ឈ្នះ” ក្នុងកុងហ្គោ ហើយពិភពលោកមិនអាចបណ្តោយឱ្យជំងឺនេះរីកលឿនជាងការឆ្លើយតបរបស់អន្តរជាតិបានទេ។ លោកបញ្ជាក់ថា ជំងឺនេះកំពុងសម្លាប់មនុស្សប្រហែលម្នាក់រៀងរាល់ ៣០នាទី។
ដើម្បីទប់ស្កាត់ការរីករាលដាល អង្គការសហប្រជាជាតិបានបញ្ចេញថវិកាបន្ថែម ៣០.៥ លានដុល្លារ ពីមូលនិធិឆ្លើយតបបន្ទាន់។ ថវិកានេះបន្ថែមលើជំនួយ ២៤ លានដុល្លារដែលបានផ្តល់រួចសម្រាប់កុងហ្គោ និងប្រទេសជិតខាងចំនួន ៤៕
