ការវាយប្រហារតាមអាកាសរបស់អ៊ីស្រាអែលនៅភាគខាងត្បូងប្រទេសលីបង់ បានសម្លាប់មនុស្សយ៉ាងហោចណាស់៩នាក់ និងរបួស១២នាក់។ ការវាយប្រហារបានកើតឡើងនៅតំបន់ជាច្រើនក្នុងអំឡុងពេលយប់។
ប្រភពពីសារព័ត៌មានAl jazeera នៅថ្ងៃទី១៥ខែសីហា។
ការវាយប្រហារដ៏ធ្ងន់ធ្ងរមួយបានបំផ្លាញផ្ទះមួយនៅជាយក្រុង Ansar ក្នុងតំបន់ Nabatieh បណ្តាលឱ្យមនុស្ស៧នាក់ស្លាប់ និង៣នាក់រងរបួស។ ក្នុងចំណោមអ្នកស្លាប់មាន ស្ត្រី និងកុមារ។
អ៊ីស្រាអែលនិយាយថា ខ្លួនបានវាយប្រហារលើទីតាំងដែលខ្លួនអះអាងថា ជាហេដ្ឋារចនាសម្ព័ន្ធរបស់ក្រុម Hezbollah ដើម្បីឆ្លើយតបទៅនឹងសកម្មភាពប្រឆាំងកងទ័ពអ៊ីស្រាអែលនៅតំបន់ Ali al-Taher Ridge។
ប៉ុន្តែ នាយករដ្ឋមន្ត្រីលីបង់ Nawaf Salam បានបដិសេធការអះអាងរបស់អ៊ីស្រាអែល និងថ្កោលទោសការវាយប្រហារ ដោយនិយាយថា ស្ត្រី និងកុមារដែលស្លាប់ មិនមែនជាគោលដៅយោធាទេ៕
