មន្ត្រីយោធាអ៊ីរ៉ង់បានអំពាវនាវឱ្យកាតាអនុញ្ញាតឱ្យក្រុមការងារអ៊ីរ៉ង់ចូលទៅកាន់ប្រទេស ដើម្បីស៊ើបអង្កេតអំពីជោគវាសនារបស់អ្នកបើកយន្តហោះអ៊ីរ៉ង់ ដែលអ៊ីរ៉ង់អះអាងថាត្រូវបានកងកម្លាំងកាតាចាប់ខ្លួន។
ប្រភពពីសារព័ត៌មានReuter នៅថ្ងៃទី១៦ខែសីហា។
យ៉ាងណាក៏ដោយ កាតាបានបដិសេធថា ខ្លួនមិនបានឃាត់ខ្លួនអ្នកបើកយន្តហោះអ៊ីរ៉ង់ឡើយ។ កាលពីថ្ងៃសៅរ៍ កាតាបានប្រកាសថា ក្រុមស្វែងរក និងសង្គ្រោះរបស់ខ្លួនបានរកឃើញសាកសពអ្នកបើកយន្តហោះម្នាក់ បន្ទាប់ពីយន្តហោះអ៊ីរ៉ង់បានរំលោភដែនអាកាសកាតាកាលពីខែមីនា ហើយមិនបានឆ្លើយតបចំពោះការព្យាយាមទាក់ទងពីភាគីកាតា។
ភាពខុសគ្នានៃការអះអាងរវាងភាគីទាំងពីរ កំពុងបង្កើនភាពតានតឹង និងការសង្ស័យជុំវិញជោគវាសនារបស់បុគ្គលិកយោធាអ៊ីរ៉ង់ដែលពាក់ព័ន្ធនឹងហេតុការណ៍នេះ៕
