មនុស្សយ៉ាងហោចណាស់៥នាក់បានស្លាប់ បន្ទាប់ពីព្យុះភ្លៀងខ្លាំងនិងទឹកជំនន់បានវាយប្រហាររដ្ឋIndiana ក្នុងសប្តាហ៍នេះ។
ប្រភពពីសារព័ត៌មានAp នៅថ្ងៃទី១៦ខែសីហា។
ភ្លៀងធ្លាក់ខ្លាំងបានធ្វើឱ្យទឹកទន្លេជាច្រើនឡើងខ្ពស់ខុសធម្មតា និងបង្កការជន់លិចតំបន់លំនៅដ្ឋាន។ ប្រជាជនជាច្រើនត្រូវបានបង្ខំឱ្យជម្លៀសចេញពីផ្ទះទៅកាន់ទីទួលខ្ពស់ និងកន្លែងមានសុវត្ថិភាព។
នៅទីក្រុង Indianapolis ក្រុមសង្គ្រោះបានប្រើទូក ដើម្បីជួយមនុស្សដែលជាប់ក្នុងទឹកជំនន់។ ផ្ទះរាប់រយខ្នងនៅជិតទន្លេ White River ត្រូវបានជម្លៀស ខណៈស្ថានភាពទឹកកំពុងបន្តប្រែប្រួលយ៉ាងឆាប់រហ័ស។
អាជ្ញាធរបាននិយាយថា ទឹកជំនន់នៅទីក្រុង Indianapolis គឺជាទឹកជំនន់ធ្ងន់ធ្ងរបំផុតក្នុងរយៈពេលជាង ៣០ ឆ្នាំ។ ស្រុកជាង ១០ ក៏បានប្រកាសតំបន់របស់ខ្លួនជាតំបន់រងគ្រោះមហន្តរាយផងដែរ៕
