នៅថ្ងៃទី១៦ ខែសីហា ឆ្នាំ២០២៦ សម្ព័ន្ធអារ៉ាប់បានថ្កោលទោសយ៉ាងខ្លាំងចំពោះការវាយប្រហាររបស់អ៊ីស្រាអែលនៅភាគខាងត្បូងប្រទេសលីបង់ ដោយព្រមានថា ការកើនឡើងនៃអំពើហិង្សាអាចធ្វើឱ្យកិច្ចខិតខំប្រឹងប្រែងស្វែងរកដំណោះស្រាយ និងការចរចាបញ្ចប់ជម្លោះរងការរាំងស្ទះ។
ប្រភពពីសារព័ត៌មានAnadolu Agency។
យោងតាមអាជ្ញាធរលីបង់ ការវាយប្រហារតាមអាកាសរបស់អ៊ីស្រាអែលកាលពីថ្ងៃសៅរ៍ បានសម្លាប់មនុស្សយ៉ាងហោចណាស់១១នាក់ និងរបួស១៩នាក់ក្នុងនោះមានស្ត្រី និងកុមារ។ ការវាយប្រហារបានកើតឡើងនៅតំបន់ណាបាទីយ៉េ និងភូមិក្បែរនោះ ទោះបីមានកិច្ចព្រមព្រៀងឈប់បាញ់កាលពីថ្ងៃទី១៧ ខែមេសាក៏ដោយ។
សម្ព័ន្ធអារ៉ាប់បានចាត់ទុកការវាយប្រហារលើជនស៊ីវិលថា ជាការរំលោភយ៉ាងច្បាស់លើអធិបតេយ្យភាពរបស់លីបង់ និងជាការកើនឡើងដ៏គ្រោះថ្នាក់ ដែលអាចធ្វើឱ្យស្ថានការណ៍ធ្លាក់ចូលទៅក្នុងការប្រឈមមុខដាក់គ្នាកាន់តែធំ។ ស្ថាប័ននេះបានអំពាវនាវឱ្យសហគមន៍អន្តរជាតិ ជាពិសេសសហរដ្ឋអាមេរិក ចូលអន្តរាគមន៍ជាបន្ទាន់ និងជំរុញឱ្យអ៊ីស្រាអែលគោរពសេចក្តីសម្រេចលេខ ១៧០១ របស់ក្រុមប្រឹក្សាសន្តិសុខអង្គការសហប្រជាជាតិ៕
