យោធាកូរ៉េខាងត្បូងកាលពីសប្ដាហ៍មុនបានបាញ់ព្រមានជាច្រើនគ្រាប់ បន្ទាប់ពីទាហានកូរ៉េខាងជើងបានបំពានលើខ្សែបន្ទាត់ព្រំដែនយោធា។ តែក្រោយមកទាហានកូរ៉េខាងជើងក៏បានត្រឡប់ចូលទៅក្នុងទឹកដីរបស់ខ្លួនវិញដែរ។
ប្រភពពីសារព័ត៌មានកូរ៉េខាងត្បូងYonhap នៅទី១៦ ខែសីហា ឆ្នាំ២០២៦។
Yonhap ដោយផ្អែកលើប្រភពពីក្រុមមន្ត្រីកូរ៉េខាងត្បូងក្នុងលក្ខខណ្ឌមិនបញ្ចេញឈ្មោះ បានឱ្យដឹងថាទាហានកូរ៉េខាងជើងជាច្រើននាក់បានឆ្លងខែ្សបន្ទាត់ព្រំដែនយោធា MDL ស្ថិតនៅប៉ែកខាងកើតនៃតំបន់ព្រំដែនគ្មានយោធា ហើយនេះជាលើកដំបូងបំផុតក្នុងឆ្នាំនេះដែលដែលទាហានកូរ៉េខាងជើងត្រូវបានរាយការណ៍ថាបានបំពានខ្សែបន្ទាត់ព្រំដែន MDL។ តាម Yonhap ទាហានកូរ៉េខាងជើងទំនងជាបានដឹកនាំប្រតិបត្តិការល្បាតទីតាំងខាងលើ នៅពេលពួកគេឆ្លងខ្សែបន្ទាត់ព្រំដែន MDL។ ប៉ុន្តែមិនមានសេចក្ដីរាយការណ៍ពីសកម្មភាពមិនប្រក្រតីណាមួយ ផ្សេងទៀតនោះទេ ក្រោយទាហានកូរ៉េខាងជើងត្រឡប់ចូលទៅក្នុងទឹកដីរបស់ខ្លួនវិញ៕
