មានអគ្គិភ័យបានកើតឡើងនៅ ឃ្លាំងរក្សាទុកអាវុធរបស់ក្រុមហ៊ុន EMCO នៅជិតភូមិTsareva Livada ប្រទេសប៊ុលហ្គារី នៅថ្ងៃទី១២ ខែកញ្ញា ឆ្នាំ២០២៦។ ភ្លើងបានឆេះយ៉ាងខ្លាំង និងបង្កឱ្យមានផ្សែងឡើងលើមេឃ ប៉ុន្តែ មិនមានអ្នករងរបួស ឬស្លាប់ទេ។
ប្រភពពីសារព័ត៌មានReuter។
រដ្ឋមន្ត្រីមហាផ្ទៃប៊ុលហ្គារីបាននិយាយថា អាជ្ញាធរកំពុងស៊ើបអង្កេតមូលហេតុនៃអគ្គិភ័យ ហើយ មិនទាន់អាចបដិសេធលទ្ធភាពថា អាចមានអ្នកពីខាងក្រៅចូលមកបង្កហេតុដោយចេតនា។
ហេតុការណ៍នេះកើតឡើងប៉ុន្មានសប្តាហ៍បន្ទាប់ពីឃ្លាំងអាវុធមួយទៀតរបស់ EMCO បានផ្ទុះ និងឆេះនៅភាគខាងលិចប្រទេសប៊ុលហ្គារី។ ដូច្នេះ អាជ្ញាធរកំពុងពិនិត្យថា តើហេតុការណ៍ទាំងពីរមានទំនាក់ទំនងគ្នាឬអត់។
សូមបញ្ជាក់ថា៖ ក្រុមហ៊ុន EMCO គ្រប់គ្រងដោយអ្នកជួញដូរអាវុធប៊ុលហ្គារី Emilian Gebrev។ កាលពីមុន អយ្យការប៊ុលហ្គារីធ្លាប់ចោទប្រកាន់ថា ភ្នាក់ងាររុស្ស៊ីអាចមានជាប់ពាក់ព័ន្ធនឹងការវាយប្រហារលើទីតាំងរបស់ក្រុមហ៊ុននេះ៕
