ទំនាក់ទំនងរវាងឥណ្ឌា និចិន កំពុងមានភាពប្រសើរឡើងបន្តិចម្តងៗ បន្ទាប់ពីប្រទេសទាំងពីរមានជម្លោះព្រំដែនធ្ងន់ធ្ងរកាលពីឆ្នាំ២០២០។ នៅថ្ងៃទី១២ ខែកញ្ញា ឆ្នាំ២០២៦ នាយករដ្ឋមន្ត្រីឥណ្ឌា Narendra Modi និងប្រធានាធិបតីចិន Xi Jinping គ្រោងជួបពិភាក្សាគ្នានៅខាងក្រៅកិច្ចប្រជុំកំពូល BRICS នៅទីក្រុង New Delhi។
ប្រភពពីសារព័ត៌មានAl Jazeera។
នៅឆ្នាំ២០២០ កងទ័ពឥណ្ឌា និងចិនបានប្រយុទ្ធគ្នាដោយដៃនៅតំបន់ជ្រលង Galwan ក្នុងតំបន់ Ladakh។ ការប៉ះទង្គិចនេះបានសម្លាប់ទាហានឥណ្ឌាយ៉ាងហោចណាស់ ២០នាក់ និងទាហានចិន ៤នាក់។ ប្រទេសទាំងពីរមានព្រំដែនប្រវែងប្រហែល ៣,៨០០ គីឡូម៉ែត្រ នៅតំបន់ភ្នំហិម៉ាឡៃ ដែលនៅតែមានចំណុចមិនទាន់កំណត់ច្បាស់។
បន្ទាប់ពីការប៉ះទង្គិច ឥណ្ឌាបានរឹតបន្តឹងការត្រួតពិនិត្យការវិនិយោគរបស់ចិន កាត់បន្ថយការចេញទិដ្ឋាការអាជីវកម្ម និងហាមឃាត់កម្មវិធីទូរស័ព្ទចិនមួយចំនួន។ ចិនក៏បានរឹតបន្តឹងការធ្វើដំណើរ និងការទំនាក់ទំនងរវាងប្រជាជននៃប្រទេសទាំងពីរ។
ស្ថានការណ៍ចាប់ពីឆ្នាំនៅខែតុលា ឆ្នាំ២០២៤ ប្រទេសទាំងពីរបានព្រមព្រៀងដកកងទ័ពចេញពីតំបន់ដែលមានការប្រឈមមុខគ្នា។ ដល់ខែធ្នូ ឆ្នាំដដែល ការដកកងទ័ពត្រូវបានបញ្ចប់។
បច្ចុប្បន្ន ទំនាក់ទំនងផ្នែក ពាណិជ្ជកម្ម និងអាជីវកម្ម កំពុងប្រសើរឡើង។ ឥណ្ឌាបានចាប់ផ្តើមជើងហោះហើរត្រង់ទៅចិនឡើងវិញ បន្ធូរបន្ថយនីតិវិធីសម្រាប់ទិដ្ឋាការអ្នកជំនាញចិន និងបន្ធូរបន្ថយការរឹតត្បិតលើការទិញឧបករណ៍ពីចិន៕
