ក្រុមប្រទេសBRICS បានអនុម័តជាឯកច្ឆន្ទនូវសេចក្តីប្រកាសរួមមួយ ដោយអំពាវនាវឱ្យប្រទេសសមាជិកសហការគ្នា ដើម្បីធានាឱ្យពាណិជ្ជកម្មពិភពលោក ខ្សែសង្វាក់ផ្គត់ផ្គង់ និងការផ្គត់ផ្គង់ថាមពល ដំណើរការបានរលូន។
ប្រភពពីសារព័ត៌មានAl Jazeera នៅថ្ងៃទី១២ខែកញ្ញា។
កិច្ចប្រជុំកំពូល BRICS ប្រចាំឆ្នាំបានចាប់ផ្តើមនៅទីក្រុង New Delhi ប្រទេសឥណ្ឌា ដោយមានមេដឹកនាំសំខាន់ៗចូលរួម ដូចជា ប្រធានាធិបតីចិន Xi Jinping ប្រធានាធិបតីរុស្ស៊ី Vladimir Putin និងប្រធានាធិបតីអ៊ីរ៉ង់ Masoud Pezeshkian។
នាយករដ្ឋមន្ត្រីឥណ្ឌា Narendra Modi ដែលជាម្ចាស់ផ្ទះនៃកិច្ចប្រជុំ បានប្រកាសពីការអនុម័តសេចក្តីប្រកាសនេះ បន្ទាប់ពីកិច្ចប្រជុំបានចាប់ផ្តើម។
ក្រុមប្រទេសBRICS កំពុងប្រឈមនឹងបញ្ហាជាច្រើន ដោយសង្គ្រាមនៅមជ្ឈិមបូព៌ា និងអ៊ុយក្រែនបានប៉ះពាល់ដល់ការដឹកជញ្ជូន និងថាមពល ខណៈបញ្ហាពន្ធពាណិជ្ជកម្មក៏កំពុងបង្កសម្ពាធលើប្រទេសសមាជិក។
ក្នុងកិច្ចប្រជុំ ក៏មានការពិភាក្សាអំពី ការបង្កើតប្រព័ន្ធទូទាត់ប្រាក់ដែលមិនពឹងផ្អែកលើប្រទេសលោកខាងលិច និងកិច្ចសហប្រតិបត្តិការលើវិស័យ បញ្ញាសិប្បនិម្មិត (AI)។
ប្រធានាធិបតីចិន Xi Jinping ក៏បាននិយាយថា សង្គ្រាមនៅមជ្ឈិមបូព៌ា និងតំបន់ឈូងសមុទ្រ បានបង្កការខាតបង់យ៉ាងធ្ងន់ធ្ងរដល់ប្រជាជនក្នុងតំបន់ ហើយ មិនបម្រើផលប្រយោជន៍រួមរបស់សហគមន៍អន្តរជាតិទេ៕
