ថ្លែងទៅកាន់សមាជិក នៃក្រុមប្រទេស BRICS អំឡុងកិច្ចប្រជុំកំពូលនៅទីក្រុង New Delhi ប្រទេសឥណ្ឌា កាលពីថ្ងៃសៅរ៍ទី១២ ខែកញ្ញា ឆ្នាំ២០២៦ ប្រធានាធិបតីចិនលោក ស៊ី ជិនពីង បានស្នេីឱ្យBRICS ដេីរតួនាទីជាអ្នកស្វែងរកសន្តិភាពសម្រាប់តំបន់មជ្ឈិមបូព៌ា។
សារព័ត៌មាន Reuters។
ប្រទេសចិន នឹងសហការជាមួយសមាជិក BRICS ផ្សេងទៀត ក្នុងតួនាទីនោះ ដោយសារតែសង្គ្រាមនេះ មិនបម្រើដល់ផលប្រយោជន៍រួមរបស់សហគមន៍អន្តរជាតិឡើយ។
BRICS រួមមានប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង អេហ្ស៊ីប អេត្យូពី ឥណ្ឌូណេស៊ី អ៊ីរ៉ង់ និងអេមីរ៉ាត់អារ៉ាប់រួម។
បង្កេីតឡេីងនៅឆ្នាំ២០០៩ ដើម្បីប្រឈមមុខនឹងសណ្តាប់ធ្នាប់ពិភពលោកដែលស្ថិតក្រោមឥទ្ធិពលរបស់សហរដ្ឋអាមេរិក និងសម្ព័ន្ធមិត្តលោកខាងលិច។
សមាជិក BRICS មានប្រជាជនជាង ៤០ភាគរយនៃចំនួនប្រជាជនពិភពលោក និងរួមចំណែកស្ទើរតែមួយភាគបួននៃសេដ្ឋកិច្ចពិភពលោក៕
