ក្រុមហ៊ុនរថយន្តFord បានប្រកាសប្រមូលរថយន្តប្រហែល២២៣,៤៧២គ្រឿងនៅសហរដ្ឋអាមេរិក ដោយសារបញ្ហាធុងសាំងអាចលេចធ្លាយ ឬមិនត្រូវបានចងភ្ជាប់ឱ្យបានរឹងមាំ។
ប្រភពពីសារព័ត៌មានReuter នៅថ្ងៃទី១៣ខែកញ្ញា។
អាជ្ញាធរសុវត្ថិភាពចរាចរណ៍ផ្លូវជាតិអាមេរិក (NHTSA) បានឱ្យដឹងថា ធុងសាំងដែលមិនបានភ្ជាប់ត្រឹមត្រូវ អាចរបូតចេញពីរថយន្តពេលកំពុងបើកបរ និងបង្កជាឧបសគ្គលើផ្លូវ ដែលអាចបង្កគ្រោះថ្នាក់ចរាចរណ៍។
បន្ថែមពីនេះ ប្រសិនបើមានការលេចធ្លាយប្រេង វាអាចធ្វើឱ្យ ម៉ាស៊ីនរលត់ ឬបង្កើនហានិភ័យ ឆេះរថយន្ត។
រថយន្តដែលត្រូវប្រមូលជួសជុល គឺរថយន្តប្រភេទ Ford F-150 មួយចំនួនដែលផលិតពីឆ្នាំ ២០២៣ ដល់ ២០២៧។ ក្រុមហ៊ុនចែកចាយនឹងត្រួតពិនិត្យ និងប្តូរខ្សែចងធុងសាំង ប្រសិនបើចាំបាច់ ដោយ មិនគិតថ្លៃពីម្ចាស់រថយន្ត៕
