តម្លៃប្រាក់រៀលអ៊ីរ៉ង់បានធ្លាក់ចុះខ្លាំងបំផុតមិនធ្លាប់មាន បើធៀបនឹងប្រាក់ដុល្លារអាមេរិក ខណៈប្រទេសនេះកំពុងប្រឈមនឹងអតិផរណាខ្ពស់ និងទណ្ឌកម្មសេដ្ឋកិច្ចធ្ងន់ធ្ងរពីអាមេរិក។
ប្រភពពីសារព័ត៌មានAA news នៅថ្ងៃទី២៨ខែកញ្ញា។
នៅទីផ្សារប្តូរប្រាក់សេរី អត្រាលក់ ១ដុល្លារ អាមេរិក ឡើងដល់ប្រហែល ២.៤លានរៀលអ៊ីរ៉ង់ ដែលជាកំណត់ត្រាខ្ពស់បំផុត។
ការធ្លាក់ថ្លៃរបស់ប្រាក់រៀលកើតឡើងនៅពេលអត្រាអតិផរណាប្រចាំឆ្នាំរបស់អ៊ីរ៉ង់បានឡើងដល់ ៦១.៤%។ តម្លៃម្ហូបអាហារក៏បានកើនឡើងខ្លាំង ដោយទិន្នន័យផ្លូវការបង្ហាញថា តម្លៃអាហារកើន ១២៨.១% បើធៀបនឹងឆ្នាំមុន៕
