លោក Chris Van Hollen សមាជិកព្រឹទ្ធសភាអាមេរិក បានថ្លែងកាលពីថ្ងៃសុក្រទី០២.១០.២០២៦ថា ប្រធានាធិបតី Donald Trump កំពុងរៀបចំការពង្រីកវត្តមានយោធារបស់សហរដ្ឋអាមេរិក នៅក្នុងតំបន់មជ្ឈិមបូព៌ា!។
ដោយចោទប្រកាន់រដ្ឋបាលរបស់លោកថាបានលាក់បាំងព័ត៌មាន អំពីការបាត់បង់ជីវិត ឬរបួសរបស់ទាហាន និងកំពុងបន្តធ្វើ«សង្គ្រាមខុសច្បាប់ដែលខ្លួនជ្រើសរើសធ្វើ»ប្រឆាំងនឹងអ៊ីរ៉ង់។
សារព័ត៌មានAnadolu។
លោក Van Hollen បានសរសេរនៅលើបណ្តាញសង្គម X ថា៖ «ប្រធានាធិបតី ដែលបន្តលាក់បាំងព័ត៌មានអំពីការបាត់បង់ជីវិត ឬរបួសរបស់ទាហាននោះ ឥឡូវនេះកំពុងបញ្ជូនទាហានបន្ថែមរហូតដល់ ១០,០០០នាក់ទៀត ទៅកាន់សង្គ្រាមខុសច្បាប់ដែលខ្លួនបានជ្រើសរើសធ្វើប្រឆាំងនឹងអ៊ីរ៉ង់។
នៅពេលដែលលោក Trump និយាយថាគាត់មានគម្រោងបន្តសង្គ្រាមរបស់គាត់នៅខែក្រោយ ចូរជឿគាត់ចុះ។ សភាត្រូវតែបញ្ឈប់ការផ្តល់ថវិកា»។
ការលើកឡើងនេះ បានធ្វើឡើងបន្ទាប់ពីមានសេចក្តីរាយការណ៍ថា ក្រសួងការពារជាតិអាមេរិក (Pentagon) កំពុងរៀបចំដាក់ពង្រាយក្រុមនាវាដឹកយន្តហោះចម្បាំង (aircraft carrier strike group) ទីបី និងនាវារបស់កងម៉ារីនបន្ថែមទៀតទៅកាន់តំបន់មជ្ឈិមបូព៌ា ខណៈដែលលោក Trump កំពុងពិចារណាលើការបន្តការវាយប្រហារទៅលើអ៊ីរ៉ង់ បន្ទាប់ពីការបោះឆ្នោតពាក់កណ្តាលអាណត្តិនៅដើមខែវិច្ឆិកា។
កាសែត The Wall Street Journal បានរាយការណ៍កាលពីថ្ងៃព្រហស្បតិ៍ថា ការដាក់ពង្រាយនេះអាចបន្ថែមចំនួនទាហានអាមេរិកប្រមាណពី ៩,០០០ ទៅ ១០,០០០នាក់ទៀតទៅក្នុងតំបន់នេះ។
យោងតាមមន្ត្រីដែលត្រូវបានដកស្រង់សម្តីដោយកាសែតនេះ នាវា យន្តហោះចម្បាំង កងម៉ារីន និងនាវិក ត្រូវបានគេរំពឹងថានឹងមកដល់នៅត្រឹមចុងខែវិច្ឆិកា៕
