យោធាកូរ៉េខាងត្បូង បានឱ្យដឹងថា មីស៊ីលផ្លោងមួយគ្រាប់ ដែលបាញ់ចេញពីទីក្រុងកំពង់ផែWonsan របស់កូរ៉េខាងជើង បានហោះក្នុងចម្ងាយជាង ៧០០គីឡូម៉ែត្រ កាលពីថ្ងៃទី០៣.១០.២០២៦។
សារព័ត៌មានAl Jazeera។
អគ្គសេនាធិការចម្រុះរបស់កូរ៉េខាងត្បូងបាននិយាយនៅព្រឹកថ្ងៃសៅរ៍ថា កូរ៉េខាងជើង បានបាញ់មីស៊ីលផ្លោងមួយគ្រាប់ចេញពីទីក្រុងកំពង់ផែ Wonsan នៅលើឆ្នេរសមុទ្រភាគខាងកើតនៃឧបទ្វីបកូរ៉េ ហើយមីស៊ីលនោះបានហោះក្នុងចម្ងាយជាង ៧០០គីឡូម៉ែត្រ(៤៣៥ ម៉ាយ)។
ការិយាល័យសន្តិសុខជាតិរបស់ប្រធានាធិបតី នៅទីក្រុងសេអ៊ូល បានកោះប្រជុំបន្ទាន់មួយដើម្បីវាយតម្លៃស្ថានភាពបន្ទាប់ពីការបាញ់នេះ នេះបើយោងតាមសេចក្តីថ្លែងការណ៍ពីការិយាល័យប្រធានាធិបតី។
យោធាកូរ៉េខាងត្បូង បានបង្កើនការប្រុងប្រយ័ត្នចំពោះការបាញ់បន្ថែមទៀត ហើយបាននិយាយថាខ្លួននឹងចែករំលែកព័ត៌មានសម្ងាត់ជាមួយសហរដ្ឋអាមេរិក និងជប៉ុន។
ប្រទេសជប៉ុន បានចេញការជូនដំណឹងបន្ទាន់នៅថ្ងៃសៅរ៍ ដោយនិយាយថា៖ «កូរ៉េខាងជើងបានបាញ់អ្វីដែលសង្ស័យថាជាមីស៊ីលផ្លោង»។
បញ្ជាការដ្ឋានប៉ាស៊ីហ្វិករបស់សហរដ្ឋអាមេរិក បាននិយាយថា ខ្លួនបានដឹងអំពីការបាញ់នេះ ហើយបានបន្ថែមថាខ្លួនកំពុងពិភាក្សាគ្នាយ៉ាងជិតស្និទ្ធជាមួយសម្ព័ន្ធមិត្ត និងដៃគូរបស់ស«ផ្អែកលើការវាយតម្លៃនាពេលបច្ចុប្បន្ន ព្រឹត្តិការណ៍នេះមិនបង្កជាការគំរាមកំហែងភ្លាមៗដល់បុគ្គលិក ឬទឹកដីរបស់សហរដ្ឋអាមេរិក ឬដល់សម្ព័ន្ធមិត្តរបស់យើងឡើយ»នេះបើយោងតាមការបង្ហោះនៅលើបណ្តាញសង្គម។
ការបាញ់បង្ហោះនេះបានធ្វើឡើងមួយថ្ងៃបន្ទាប់ពីលោកស្រី គីម យ៉ូជុង (Kim Yo Jong) ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង លោក គីម ជុងអ៊ុន (Kim Jong Un) បានចំអកដល់ការទាមទាររបស់កូរ៉េខាងត្បូង ដែលចង់ឱ្យកូរ៉េខាងជើងធ្វើការសុំទោសចំពោះហេតុការណ៍ផ្ទុះមីន ដែលកូរ៉េខាងត្បូង និងអង្គការសហប្រជាជាតិ (ដែលដឹកនាំដោយសហរដ្ឋអាមេរិក)៕
