៊អ៊ុយក្រែន បានទទួលប្រព័ន្ធការពារដែនអាកាស Patriot បន្ថែមទៀតពីសហរដ្ឋអាមេរិក ដើម្បីពង្រឹងសមត្ថភាពការពារទឹកដីប្រឆាំងនឹងការវាយប្រហារដោយមីស៊ីល និងយន្តហោះរបស់រុស្ស៊ី។
ប្រភពពីសារព័ត៌មានAl Jazeera កាលពីថ្ងៃទី ៣ ខែវិច្ឆិកា ឆ្នាំ ២០២៥។
ប្រធានាធិបតីអ៊ុយក្រែន លោកVolodymyr Zelenskyy បានប្រកាសអំពីការមកដល់របស់ប្រព័ន្ធអាវុធដ៏ទំនើបនេះ នៅពេលដែលរុស្ស៊ីកំពុងបន្តការបាញ់គ្រាប់បែក និងមីស៊ីលជាបន្តបន្ទាប់លើទីក្រុង និងហេដ្ឋារចនាសម្ព័ន្ធសំខាន់ៗរបស់អ៊ុយក្រែន។
ប្រព័ន្ធ Patriot ត្រូវបានគេចាត់ទុកថា ជាប្រព័ន្ធការពារដែនអាកាសដែលមានប្រសិទ្ធភាពខ្ពស់បំផុតក្នុងពិភពលោក។ វាអាចទប់ស្កាត់ និងបាញ់រំលាយមីស៊ីលប្រឆាំងយន្តហោះ និងមីស៊ីល។ ប្រព័ន្ធនេះត្រូវបានប្រើប្រាស់ដោយសហរដ្ឋអាមេរិក និងប្រទេសសម្ព័ន្ធជាច្រើនក្នុងអង្គការណាតូ។
លោក Zelenskyy បានបញ្ជាក់ថា ការទទួលបានប្រព័ន្ធថ្មីៗនេះ គឺជាជំហានសំខាន់ក្នុងការពារជីវិតប្រជាជន និងការរក្សាទុកសេដ្ឋកិច្ចរបស់ប្រទេស។ “ឥឡូវនេះ Patriots កាន់តែច្រើនកំពុងស្ថិតនៅក្នុងអ៊ុយក្រែន ហើយកំពុងដាក់ឲ្យដំណើរការ។ ប៉ុន្តែយើងនៅតែត្រូវការប្រព័ន្ធបន្ថែមទៀត ដើម្បីការពារទីក្រុង និងហេដ្ឋារចនាសម្ព័ន្ធសំខាន់ៗទូទាំងប្រទេស៕