ប្រទេសអេក្វាឌ័របានផ្លាស់ប្តូរអ្នកទោសចំនួន ៣០០ នាក់ទៅកាន់ពន្ធនាគារថ្មីមួយដែលមានសន្តិសុខខ្ពស់បំផុតនៅលើឆ្នេរសមុទ្ររបស់ប្រទេសនេះ ប្រធានាធិបតី Daniel Noboa បាននិយាយកាលពីថ្ងៃចន្ទទី១០ខែវិច្ឆិកា មួយថ្ងៃបន្ទាប់ពីអ្នកទោស ៣១ នាក់ត្រូវបានសម្លាប់នៅក្នុងកុបកម្មមួយនៅភាគខាងត្បូង។
ប្រភពពីសារព័ត៌មាន Reuters។
តាមបណ្តាញសង្គម X លោក Noboa បញ្ជាក់ថា អ្នកទោស៣០០នាក់ត្រូវបានផ្ទេរទៅកាន់ពន្ធនាគារ Encuentro រូចហើយ។ បញ្ហាឧក្រិដ្ឋកម្មចង់ធ្វើឱ្យអេក្វាទ័រលំបាក ថ្ងៃនេះ អេក្វាទ័របានឆ្លើយតបជាមួយនិងសកម្មភាពជាក់ស្តែង។ ការផ្ទេរទៅកាន់ពន្ធនាគារ Encuentro ក្នុងខេត្ត Santa Elena គឺជាផ្នែកមួយនៃផែនការរបស់ លោក Noboa ដើម្បីធ្វើឱ្យចំនួនក្រុមឧក្រិដ្ឋជន ដែលមានក្នុងពន្ធនាគារដ៏ចង្អៀតរបស់អេក្វាទ័រ ថយចុះ ខណៈអ្នកទោសរាប់រយនាក់បានស្លាប់ ដោយការប៉ះទង្គិចគ្នាក្នុងប៉ុន្មានឆ្នាំថ្មីៗ។
គួរបញ្ជាក់ថា ពន្ធនាគារ Encuentro អាចផ្ទុកមនុស្សបានជាង ៧០០នាក់។ ប្រព័ន្ធពន្ធនាគាររបស់អេក្វាទ័របច្ចុប្បន្នមាន ៣០ភាគរយលើសសមត្ថភាពចំណុះ៕