ក្រុមឧទ្ទាមហ៊ូធីនៅយេម៉ែន បានបញ្ឈប់យុទ្ធនាការវាយប្រហារ លើនាវាចរណ៍ក្នុងសមុទ្រក្រហម។
បន្ទាប់ពីប្រតិបត្តិការយោធា របស់ពួកគេបណ្តាលឱ្យនាវាច្រើនលិច និងសម្លាប់នាវិកយ៉ាងហោចណាស់ប្រាំបួននាក់។
ការបញ្ឈប់ប្រតិបត្តិការនេះ ធ្វើឡើងនៅពេលដែល បទឈប់បាញ់ដែលសម្របសម្រួល ដោយសហរដ្ឋអាមេរិកនៅតំបន់ហ្គាហ្សា នៅតែបន្តប្រកបដោយភាពផុយស្រួយ។
ប្រភពពីសារព័ត៌មានAl Jazeera កាលពី11 ខែវិច្ឆិកា ឆ្នាំ 2025។
ក្នុងរយៈពេលជាងមួយឆ្នាំកន្លងមកនេះ ពួកហ៊ូធីបានប្រើកាំជ្រួច និងដ្រូនលើនាវាដឹកទំនិញ និងនាវាផ្គត់ផ្គង់ប្រេងនៅតាមសមុទ្រក្រហម និងច្រកបាបអាល់ម៉ាន់ដេប ដែលជាម៉ាស្សារសំខាន់ក្នុងការដឹកជញ្ជូនទំនិញអន្តរជាតិ។
ពួកគេអះអាងថាប្រតិបត្តិការនេះធ្វើឡើងដើម្បីបង្ហាញសាមគ្គីភាពជាមួយប្រជាជនប៉ាឡេស្ទីន ក្នុងសង្គ្រាមរបស់អ៊ីស្រាអែលលើហ្គាហ្សា។
នាវា Magic Seas ដែលមានទង់ជាតិលីបេរីយ៉ា និងជាកម្មសិទ្ធិរបស់ក្រិក ត្រូវបានគេឃើញលិចនៅដើមខែកក្កដា ឆ្នាំនេះ បន្ទាប់ពីរងការវាយប្រហារដោយមីស៊ីលរបស់ហ៊ូធី។
រូបភាពដែលបង្ហាញពីការលិចនៃនាវាបានចេញផ្សាយតាមបណ្តាញយោធារបស់ក្រុមនេះ។
ទោះបីជាមិនទាន់មានការប្រកាសផ្លូវការនោះក៏ដោយ ក្រុមហ៊ូធីបានបញ្ជាក់ដោយប្រយោលក្នុងលិខិតមួយដែលផ្ញើទៅកាន់កងពលតូច Qassam របស់ហាម៉ាសថា ពួកគេបានបញ្ឈប់ការវាយប្រហារយោធារដែលពាក់ព័ន្ធនឹងសមុទ្រក្រហមប៉ុន្តែអះអាងថានឹងវិលត្រឡប់មកប្រតិបត្តិការវិញ ប្រសិនបើអ៊ីស្រាអែលបន្តឈ្លានពានលើតំបន់ហ្គាហ្សា៕