ព្រះអង្គម្ចាស់រាជទាយាទអារ៉ាប៊ីសាអូឌីត មហាម៉េដ ប៊ីន សាលម៉ាន បានមានបន្ទូលកាលពីថ្ងៃអង្គារទី១៨ខែវិច្ឆិកា ថាប្រទេសរបស់ព្រះអង្គនឹងបង្កើនការវិនិយោគរបស់ខ្លួននៅសហរដ្ឋអាមេរិកពី៦០០ពាន់លានដុល្លារដល់១០០០ពាន់លានដុល្លារ។
ប្រភពពីសារព័ត៌មានAnadolu Agency។
លោក ប៊ីន សាលម៉ាន ដែលត្រូវបានគេស្គាល់ថាជា MBS បានប្រាប់អ្នកយកព័ត៌មាននៅសេតវិមានរួមជាមួយប្រធានាធិបតីអាមេរិក ដូណាល់ ត្រាំ ថាខ្ញុំជឿជាក់ថា ថ្ងៃនេះ និងថ្ងៃស្អែក យើងអាចប្រកាសថាយើងនឹងបង្កើន ៦០០ ពាន់លានដុល្លាររហូត១ពាន់ពាន់លានដុល្លារសម្រាប់ការវិនិយោគ។
លោកបាននិយាយថា ប្រទេសទាំងពីរនឹងចុះហត្ថលេខាលើកិច្ចព្រមព្រៀងលើវិស័យជាច្រើន រួមទាំងបច្ចេកវិទ្យា បញ្ញាសិប្បនិម្មិត (AI) និងមេដែកដែលនឹងបង្កើតឱកាសវិនិយោគជាច្រើន។
គួរជម្រាបថា ថ្មីៗនេះ អាមេរិកបានសន្យាលក់យន្តហោះចម្បាំង F-35 ដ៏ទំនើបកំពូលរបស់អាមេរិក ទៅឱ្យអារ៉ាប៊ីសាអូឌីត បើទោះបីជាមានការជំទាស់ពីសម្ព័ន្ធមិត្តអ៊ីស្រាអែលក៏ដោយ៕